ଆହେ ନୀଳାଚଳ ବିହାରୀ
ଆହେ ନୀଳାଚଳ ବିହାରୀ
ଆହେ ପ୍ରଭୁ ନୀଳାଚଳ ବିହାରୀ
ଶୁଣ ବାରେ ଏଇ ଭକ୍ତ ଗୁହାରି ॥
ବଢି ବଢି ଆସେ ଦୁଃଖ ଦାରୁଣ
ବିଜ୍ଞାନରେ ପରା ନାହିଁ ନିଦାନ॥
ତୁମେ ହର୍ତ୍ତାକର୍ତ୍ତା ତୁମେ ବିଧାତା
ତୁମେ ଅଟ ସର୍ବ କଳୁଷହାରି ॥
ଆହେ ପ୍ରଭୁ ନୀଳାଚଳ ବିହାରୀ
କୋଉଠୁ ଆସିଲା ରୋଗ ଅଜଣା
ନାଆଁ ଟି ତାହାର ହେଲା କରୋନା ॥
ମାଡି ଆସୁଛି ପାଟିକୁ ମେଲାଇ
ସତେ କି ଗିଳିବ ସାରା ଦୁନିଆଁ ॥
ସାରା ବିଶ୍ୱ ଆଜି ଯାଇଛି ହାରି
ଆହେ ପ୍ରଭୁ ନୀଳାଚଳ ବିହାରୀ
ବୁଝିଲାନି ଏଇ ମୂଢ଼ ମଣିଷ
ନିଜର ସ୍ୱାର୍ଥରେ ହୋଇଲା ବଶ ॥
ପ୍ରକୃତି ସାଙ୍ଗରେ ଖେଳ ଖେଳିସେ
ଭାବିଲା ନିଜକୁ ସିଏ ସର୍ବସ୍ବ ॥
ଅକାରଣେ କେତେ ଖେଳ ଖେଳିଲା
ନିଜ ବିନାଶକୁ ନିଜେ ଡାକିଲା ॥
ଅସହାୟ ହୋଇ ସହାୟ ମାଗେ
କ୍ଷମାକର ପ୍ରଭୁ ଦୋଷ ତାହାରି
ଆହେ ପ୍ରଭୁ ନୀଳାଚଳ ବିହାରୀ ॥
ଚକ୍ରପେଷି ତାର ପ୍ରତାପ କମାଅ
ଭାରତ ବର୍ଷରୁ ଯାଉ ସେ ଫେରି
ଆହେ ପ୍ରଭୁ ନୀଳାଚଳ ବିହାରୀ ॥