ଚିନ୍ତମନ ଶୂନ୍ୟ ବ୍ରହ୍ମକୁ

ଚିନ୍ତ ମନ ଶୂନ୍ୟବ୍ରହ୍ମକୁ

         ଅଚିନ୍ତ୍ୟ ଅରୂପ

               ଜ୍ୟୋତିର୍ଲିଙ୍ଗକୁ

ଚିନ୍ତମନ ଶୂନ୍ୟ ବ୍ରହ୍ମକୁ

ନିର୍ବିକାର ଆକାର ନାହିଁ

     ଶୂନ୍ୟ ଶୂନ୍ୟ ଶୂନ୍ୟରେ ରହି

ବେଦବର ବ୍ରହ୍ମା

       ଲକ୍ଷ୍ମୀପତି ବିଷ୍ଣୁ

ଖୋଜୁଥାନ୍ତି ଯାର ଆଦ୍ୟ ପ୍ରାନ୍ତକୁ

ଚିନ୍ତମନ ଶୂନ୍ୟବ୍ରହ୍ମକୁ ll

ସଂସାରର ସାର ତ ସେହି

    ସଂସାର ମଧ୍ୟରେ ସେ ଥାଇ

କାମ କ୍ରୋଧ ଲୋଭ

        ମୋହ ମାୟା ଆଦି

ଛୁଇଁନାହିଁ ଥରେ ଯାହା ଦେହକୁ

ଚିନ୍ତମନ ଶୂନ୍ୟବ୍ରହ୍ମକୁ ll

ଅନାଦି ସେ ଅଣାକାର

       ରୂପ ରେଖ ନାହିଁ ତାହାର

ଜ୍ୟୋତି ରୂପେ ରହି

      ନିର୍ଗୁଣ ରୂପରେ

ଚଲାଏ ସେ ଏ ଦୁନିଆଁକୁ

ଚିନ୍ତମନ ଶୂନ୍ୟବ୍ରହ୍ମକୁ ll