ଇଟିକିଲି ମିଟିକିଲି

ଇଟିକିଲି ମିଟିକିଲି 

ଆମ୍ବ ଗଛ ଡାଳେ ଡାକେ କୋଇଲି। 

କୋଇଲି ଗୀତ ଭାରି ମଧୁର

ମେଘକୁ ଦେଖି ନାଚେ ମୟୂର। 

ମୟୂର ଆମ ଜାତୀୟ ପକ୍ଷୀ 

ବଣରେ ରୁହଇ ବଡ ହାତୀ। 

ହାତୀ ଦାନ୍ତ ଭାରି ଟାଣୁଆ 

ହୁକେ-ହୋ ଡାକେ ବିଲୁଆ। 

ବିଲୁଆ ବଡ ଚତୁର

ପାଣି ଭିତରେ ଅଛି କୁମ୍ଭୀର। 

କୁମ୍ଭୀର ଖାଏ ମଣିଷ ମାଂସ 

କେଡେ ଧଳା ସେ ଦୁଇଟି ହଂସ। 

ହଂସ ହଂସରାଳୀଙ୍କ ଯୋଡି ସୁନ୍ଦର 

ଡେଇଁ ଡେଇଁ ଚାଲେ ଛୁଆ ହରିଣ। 

ହରିଣ ମୁଣ୍ଡରେ ମୁନିଆଁ ଶିଙ୍ଗ 

କେଁ କଟର କରଇ ବେଙ୍ଗ। 

ବେଙ୍ଗ ରାଜାର ବେଙ୍ଗୁଲୀ ରାଣୀ 

ସାରୁବୁଦା ମୂଳେ କୁହେ କାହାଣୀ।