ଲାଇବ୍ରେରୀ
ପ୍ରୋଫାଇଲ୍
ମାଟି
ମାଟି
1 min
307
ଧନ୍ୟ ବାପୁ ତୁମ ଶାନ୍ତି ଫଉଜ
ଆକାଶେ ଉଡାଇ ତ୍ରୀରଙ୍ଗା ଧ୍ବଜ
ସାରା ଜଗତକୁ କରିଲେ ଚକିତ
ଦେଖାଇ ସାହସ ଅହିଂସା ତେଜ
ମାଟି ମାଆ ପାଇଁ ଲଢିବା ନିମନ୍ତେ
ଖଦଡ ପୋଷାକେ ହୋଇଲେ ସଜ
ଧନ୍ୟ ବାପୁ ତୁମ ଶାନ୍ତି ଫଉଜ ....
କମାଣ ଆଗରେ ପାତିଲେ ଛାତି
ଲାଠି ପାହାରରେ ଫାଟିଲା ପିଠି
ହସିହସି କିଏ ପାଇଲେ ଫାଶି
କଳା ପାଣି ଭୋଗି ହେଲାକେ ଖୁସି
କେତେଯେ ନୀରିହ ଶହୀଦ ହୋଇଲେ
ମାଟି ପଲଟିଲା ମଡାର ଶେଯ
ଧନ୍ୟ ବାପୁ ତୁମ ଶାନ୍ତି ଫଉଜ ...
ଲୁଣ ଟିକସ କୁ ବିରୋଧ କଲେ
କର ନଦେବାକୁ ନିଷ୍ପତ୍ତି ନେଲେ
ବିଦେଶୀ ଦରବ ବର୍ଜନ କଲେ
କୁଟି ଖାଇଲେ ସେ କାଟି ପିନ୍ଧିଲେ
ଜନମ ମାଟିର ମୁକତି ପାଇଁକି
ଭୁଲିଗଲେ ସବୁ ମଜା ମଉଜ
ଧନ୍ୟ ବାପୁ ତୁମ ଶାନ୍ତି ଫଉଜ...
ସତ୍ୟ ଶାନ୍ତି ଆଉ ଧର୍ମ ଦର୍ଶନେ
ଭାରତ ଛାଡର ଗୁରୁ ଗର୍ଜ୍ଜନେ
ଗୋରା ଶାସକଙ୍କ ହଜିଲା ବୁଦ୍ଧି
ସଙ୍ଗ୍ରାମିଙ୍କ ଏଣେ ବଢିଲା ଜିଦି
ଅହିଂସାର ଟାଣ ହାରିଲା କମାଣ
ତ୍ରୀରଙ୍ଗାରେ ମାଟି ହୋଇଲା ସଜ
ଧନ୍ୟ ବାପୁ ତୁମ ଶାନ୍ତି ଫଉଜ ....।
