ସଭିଙ୍କୁ ଜଣା

ମାଟିର ମଣିଷ ମାଟିରେ ତା ହସ

ମାଟିରେ ରହିଛି କେତେ କାହାଣୀ,

ମାଟି ସାଥେ ମିଶି ହୋଇଯାଏ ମାଟି

ମାଟି ଦିଏ ଫଳ ମନକୁ ଜାଣି।

ମାଟିର ଶସ୍ୟ ଫଳମୂଳ ଖାଇ 

ମଣିଷ ହୁଅଇ ବଳବାନ,

ମାଟିରେ ଗଢଇ ବାସଗୃହଟିଏ

ମାଟିଘର ଆମ ଅଟେ ମହାନ।

ଖରା ବର୍ଷା ଶୀତ ହିଂସ୍ରଜନ୍ତୁ ଠାରୁ

ରକ୍ଷାକରେ ଏହି ମାଟିଘର,

ଏହି ଘରେ ମିଳେ ସରଗର ସୁଖ

ମାଟିଘର ପରା ବୈକୁଣ୍ଠ ପୁର।

ଏନ୍ତୁଡି ଜଳଇ, କୁଆଁ କୁଆଁ ରାବେ 

ହସିଉଠେ ତାର ଅଗଣା,

ବୁଢାବେଳ କଟେ ସୁଖଦୁଃଖ ଭରା 

ମାଟିଘର ସେ ସଭିଙ୍କୁ ଜଣା ।