ଲାଇବ୍ରେରୀ
ପ୍ରୋଫାଇଲ୍
ଆସିବ କି ତୁମେ?
ଆସିବ କି ତୁମେ?
1 min
235
ହଜିଯିବି ଯଦି କେବେ
ନିଜକୁ ମୁଁ ଖୋଜୁ ଖୋଜୁ
ଅନ୍ଧାରି ଗଳିରୁ
ବାଟ କଢେଇ ନେବାକୁ
ସାଜି ମୋର ସାହାରା
ଆସିବ କି ତୁମେ?
ଭାଙ୍ଗିଯିବି ଯଦି କେବେ
ବାଲି ଘର ତୋଳୁ ତୋଳୁ
ହାତ ଧରି ମୋର
ଛିଡ଼ା କରାଇ ଦେବାକୁ
ସାଜି ମୋର ଆଶା ଭରଷା
ଆସିବ କି ତୁମେ?
ବୁଡିଯିବି ଯଦି କେବେ
ସମ୍ପର୍କର ଭଉଁରୀ ଭିତରେ
ପାଣିର ସୁଅ କାଟି ମୋତେ
ଉଦ୍ଧାର କରିବାକୁ
ସାଜି ମୋର ରକ୍ଷୀ
ଆସିବ କି ତୁମେ?
ଚାଲିଯିବି ଯଦି କେବେ
ମାନଭର ହୋଇ
ମାନ ଭଙ୍ଗ କରି ମୋତେ
ମନେଇ ନେବାକୁ
ସାଜି ମୋର ଚିର ସାଥୀ
ଆସିବ କି ତୁମେ?
