ରକ୍ତ

"ରକତ" ସାରା ଦେହରେ ବହି

ଦେହକୁ ରଖେ ସୁସ୍ଥ

ରକତ ହେଲେ ଦେହରୁ ଉଣା

ରୋଗ କରନ୍ତି ବ୍ୟସ୍ତ ।

ଜାଲ ପରିକା ଶିରା ପ୍ରଶିରା

ଧମନୀ ବାଟ ଦେଇ

ହୃତପିଣ୍ଡର ନିୟନ୍ତ୍ରଣରେ

ବହେ ରକତ ନଈ ।

ରକତେ ଯେଉଁ ପ୍ଲାଜମା ଥାଏ

ପାଣିତ ପାଣି ଖାଲି

ଲୋହିତ ରକ୍ତ କଣିକା ତାର         

ରଙ୍ଗକୁ କରେ ନାଲି ।

ହିମୋଗ୍ଲୋବିନ ଅମ୍ଳଜାନର

ବାହକ ପରା ସେହି

ପ୍ରତିଟି ଜୀବକୋଷ ପାଖକୁ

ନିଅଇ ସେତ ବୋହି ।

ଶ୍ୱେତ ରକତ କଣିକା ସେତ

ଦେହର ସଇନିକ

ରୋଗ ଜୀବାଣୁ ସାଥିରେ ଲଢି

ନାଶନ୍ତି ବ°ଶ ତାଙ୍କ ।

ଦେହରେ ହେଲେ ଖଣ୍ଡିଆ କାହିଁ

ରକତ ଯାଏ ଝରି

ରକତେ ଅଛି ଅଣୁ ଚକ୍ରିକା

ଜମାଟ ଦିଏ କରି ।

ରକତ ଗଲେ ଦେହରୁ କମି

ବେମାରୀ ଜାତିଜାତି

ଦେହକୁ ଆମ ଯାଆନ୍ତି ଘେରି

ଜୀବନ ପାଇଁ ଭିତ୍ତି ।

ରକ୍ତହୀନତା ଦୂର ପାଇଁକି

ନେବାକୁ ପଡେ ରକ୍ତ

ରକତ ନେଇ ରୋଗୀଣା ଲୋକ

ହୁଅଇ ପୁଣି ସୁସ୍ଥ ।

ପନିପରିବା ଖାଇଲେ ଶାଗ

ଦେହରେ ବଢେ ରକ୍ତ

ନିରୋଗ ରହେ ଦେହ ଓ ମନ

ଦେହକୁ ରଖେ ସୁସ୍ଥ ।