ଇଂରାଜୀ ନବବର୍ଷ୨୦୨୪

ଇଂରାଜୀ ପୁରୁଣା ବରଷ ୨୦୨୩ ଚାଲିଯେ ଯାଇଛି

ଆଉ ଆସିବନି ଫେରି,

କେତେ ହିସାବ ନିକାଶକୁ ସାଙ୍ଗରେ ନେଇ ସେ ଇତିହାସ ପାଲଟିଛି

ନିଜ ଅଭିନୟ ସାରି।

ଇଂରାଜୀ ନବବର୍ଷ ୨୦୨୪ ଆସି ଯେ ଯାଇଛି,

ତାର ଅଭିନୟ ପସରାକୁ ନେଇ,

ସ୍ଵାଗତ କରିଛି ଆଜିର ଦୁନିଆଁ

ନୂତନ ବର୍ଷକୁ

ତାଠାରୁ ଅନେକ କିଛି ଆଶା ନେଇ ।

ପାଶ୍ଚାତ୍ୟ ସଂସ୍କୃତି ଅନୁକରଣରେ

ମନୁଷ୍ୟ 

ନିଜ ସଂସ୍କୃତିକୁ ଭୁଲି ଯେ ଯାଇଛି,

ନିଜ ମାଆକୁ ଛାଡ଼ି ଦେଇ ଆଜି

ମାଉସୀକୁ ଭଲ ସେ ପାଇଛି ।

ନାଚଗୀତ,ଭୋଜିଭାତ ଆସରରେ ଦୁନିଆଁ

ନୂତନ ବର୍ଷର ଖୁସି ମନାଉଛି,

ହିନ୍ଦୁ ନବବର୍ଷ ପ୍ରତିଥର ନୀରବେ ଆସୁଛି,

ତାକୁ ବା ଆଜି କିଏ ପଚାରୁଛି ?

କେତେ ନୂଆଁ ଆଶା , ବିଶ୍ଵାସର ସମ୍ଭାବନାକୁ ନେଇ ଆସିଛି 

ହେଉ ପଛେ ଇଂରାଜୀ ନୂତନ ବରଷ,

ଏତିକି କାମନା ପ୍ରଭୁ ପାଦତଳେ

ସାରା ଜଗତ ସୁଖୀ ହେଉ

ସୁଖେ ଯାଉ ଦିନ ମାସ ।

ଇଂରାଜୀ ନବବର୍ଷର ଅଭିନନ୍ଦନ ଓ ଶୁଭେଚ୍ଛା।