ଇଚ୍ଛା

ମନରେ କେତେ କଣ

କେମିତି କହିବି ଭାଷାରେ

ଶ୍ୱାସ ପ୍ରଶ୍ୱାସ ବି ତୁମର ଅସ୍ତିତ୍ବ

ହୃଦୟ ର କଥା ନ କହିଲେ ଭଲ

କିଛି ତ ବୁଝି ଯାଇଥିବ ।

କହିବାକୁ ଏ ମନର କଥା

କଥା ଆଢ଼ୁଆଳେ

ତୁମକୁ,ତୁମ ଠାରୁ ଚୋରାଇ ନେବାକୁ

ମନରେ କେତେ କଣ

ଭାବନାର ଢେ଼ଉ ପ୍ରତି ମୁହୂର୍ତ୍ତରେ

କିଛି ବୁଝୁଛ ନା ନାହିଁ ।

ଇଚ୍ଛା ତୁମର,ଯାହା ବି ହେଉ

ନ ରହୁ ଏ ମନର ଇଛା

ସବୁ କିଛି ସ୍ବୀକାର ଯୋଗ୍ୟ

ତୁମର ସବୁ କଥାରେ ହିଁ ପ୍ରେମ,ବିନା ସର୍ତ୍ତରେ

ଏବେ ବି ଅବୁଝା ନା କଣ ।

ସ୍ବୀକାର କର ଏ ପ୍ରେମ

ବିଶ୍ୱାସ ସହିତ

ଖୋଜିଲେ ପାଇବ କି ନା ସନ୍ଦେହ

ଅଙ୍ଗୀକାର ଏକାନ୍ତ କାମ୍ୟ

ତୁମର ବୁଝିବା ବି ନିହାତି ଜରୁରୀ।

ତଥାପି ଏକ ଇଚ୍ଛା 

ଯଦି ନ ପାଏ ତୁମକୁ , ଏଇ ଜୀବନରେ

ରାସ୍ତାରେ ଯଦି ଦେଖାହୁଏ କେବେ

ହସି ଦେବ ,ମୁରୁକି ମୁରୁକି

ଏହା ହିଁ ଶେଷ ଇଚ୍ଛା, ନିବେଦନ ସହିତ।