ଇଚ୍ଛା
ଇଚ୍ଛା
ତୁମକୁ ଖୋଜୁଛି ପ୍ରତିକ୍ଷଣ ମୁଁ ଯେ
ତୁମକୁ ଝୁରୁଛି ଚୁପିଚୁପି
ତୁମ ଦେହ ଛାଇ ହୋଇବା ପାଇଁକି
ମନ ମୋ ହେଉଛି କିଛି କିଛି।
ଚଢେଇଟେ ହୋଇ ଇଚ୍ଛା ହୁଏ ମୋର
ଡେଣା ଝାଡ଼ି ଝାଡ଼ି ଉଡିଯିବି
ତୁମେ ଯହିଁ ଅଛ ତୁମେ ସାଥେ ରହି
ଜୀବନର ମଜା ଲୁଟିନେବି।
ଘରଟେ କରିବି ସ୍ନେହ ପ୍ରେମ ଢାଳି
ବିଶ୍ବାସ ଭରସା ସିମେଣ୍ଟରେ
ତୁମ ପାଦେ ପାଦ ଥାପି ମୁଁ ଚାଲିବି
ସଂସାର ନଈର କୂଳେ କୂଳେ।
ମୋ ଘର ହସେଇ ଜହ୍ନଟେ ଉଇଁବ
ଆଲୋକିତ କରି ଜୀବନକୁ
ଦୁଃଖସୁଖ ବାଣ୍ଟି ଆତ୍ମା ଓ ଶରୀର
ଛାଡିବାନି କେବେ କେ କାହାକୁ।