ଲାଇବ୍ରେରୀ
ପ୍ରୋଫାଇଲ୍
ହୁଗୁଳା ସମ୍ପର୍କ
ହୁଗୁଳା ସମ୍ପର୍କ
ସମ୍ପର୍କଟା ଆମ ଗଢି ଉଠିଥିଲା
ଏତିକି ନିବିଡ ହୋଇ
କେହି ସେ ସମ୍ପର୍କ ଭାଙ୍ଗି ପାରିବେନି
ଧରି ନେଇଥିଲି ମୁହିଁ ।
କାଳର ଗତିରେ ଗତି କରି ଆମେ
ଦିନୁଁ ଦିନ ଚାଲିଥାଉ
ହୁଗୁଳା ସମ୍ପର୍କ ନୁହଁଇ ଆମର
ଆମେ ମନେ ରଖିଥାଉ ।
ସମ୍ପର୍କ ନଈର ତୀରେ ରହି ଆମେ
ନୂଆ ସମ୍ପର୍କ ଯୋଡିଲୁ
ସମ୍ପର୍କର ନୂଆ ମୁହଁ ଦେଖି ସାରି
ସମ୍ପର୍କ ହାତ ଧରିଲୁ ।
ଆମ ସମ୍ପର୍କର ନିବିଡତା ଦେଖି
ସହି ପାରିଲେନି କେହି
ସେଇ ସମ୍ପର୍କରେ ଫାଟ ସୃଷ୍ଟି କରି
ଆମକୁ ଦେଲେ ଫସାଇ ।
ସନ୍ଦେହର ବୀଜ ପବନ କରିଲେ
ଆମ ସମ୍ପର୍କ ମଧ୍ୟରେ
ହୁଗୁଳା ସମ୍ପର୍କ ନୁହଁଇ ଆମର
ଏ କଥା ଜାଣି ଚତୁରେ ।
ସନ୍ଦେହ ବୀଜଟା ଏଡିକି କଠୋର
ଏ କଥା ନ ଜାଣେ କିଏ
ହାତରେ ନ ମାରି ଭାତରେ ମାରିବା
ସନ୍ଦେହ ବୀଜରେ ଥାଏ ।
ଢିଲା ହେଲା ଯେବେ ସମ୍ପର୍କ ଆମର
ନ ରହିଲା ନିବିଡତା
ସମସ୍ତେ କହିଲେ ହୁଗୁଳା ସମ୍ପର୍କ
କେତେ ଦିନର ଏ କଥା ।
ବୁଝାମଣା ଯେବେ ସଠିକ ନ ରହେ
ହୁଗୁଳା ସମ୍ପର୍କ ହୁଏ
ବୁଝାମଣା ଯେବେ ସଠିକ ରହିବ
ଅତୁଟ ସମ୍ପର୍କ ରହେ ।
ଏବେ ମୁଁ ଜାଣିଲି ସମ୍ପର୍କ ଆମର
ଅବୁଝାମଣାରୁ ଗଲା
ନିବିଡତା ବୋଲି ଭାବୁଥିଲି ଯାହା
ହୁଗୁଳା ସମ୍ପର୍କ ଥିଲା ।
