ହସ ଖେଳୁ ତା' ମୁହେଁ
ହସ ଖେଳୁ ତା' ମୁହେଁ
ବେଲୁନବାଲା ବେଲୁନ ଦିଅ,
ଖେଳିବା ପାଇଁ କହୁଛି ଝିଅ
ପଇସା ରଖ ଗଣି ।
ସେଇଠି ପରା କଚାଡ଼ି ଗୋଡ଼,
କହିଲା-'ନେବି ସବୁଠୁ ବଡ଼'
ଆଣିଲା କାନି ଟାଣି ।
ମେଞ୍ଚଡ଼ ଖଣ୍ଡେ ବୁଦ୍ଧି ତା' ବେଶୀ,
ମୋ କାମ ଦେଖେ ପାଖରେ ବସି
କହେ ସେ "ମାଆ ରହ ।
ଖଟିଲେ ଏତେ କାଟିବ ତୋତେ,
କରି ମୁଁ ଦେବି ତୋ କାମ ଯେତେ
କିସ କରିବି କହ ।
ଛବିବହି ତା' ଧରିକି ଦେଖେ,
ସିଲଟ ଧରି ସଂଖ୍ୟାକୁ ଲେଖେ
ଅବୁଝା ଏତେ ନୁହେଁ ।
ସବୁ କଥାରେ ଯାଏ ସେ ବୁଝି,
ବେଲୁନ ଟାଏ ମାଗୁଛି ଆଜି
ହସ ଖେଳୁ ତା' ମୁହେଁ ।