ହରିଣ ଛୁଆ

ହରିଣ ଛୁଆରେ ହରିଣ ଛୁଆ

ଦେହଟି ତୋହର ଛକ ଛକିଆ l

ଧୂସର ରଙ୍ଗେ ତୁ ଦିଶୁ ସୁନ୍ଦର

ଘାସପତ୍ରେ ତୋର ଭାରି ଆଦର l

ନ ମାନି କି' ତୁ ଉଠାଣି ଗଡ଼ାଣି

ଡିଆଁ ମାରି ଧାଉଁ ଦେଖାଇ ଠାଣି l

କାନ ଠିଆ କରି ତୁ ଶୁଣି ଥାଉ

ଟିକେ ଶବ୍ଦ ହେଲେ ଧାଇଁ ପଳାଉ l

ପଶୁଙ୍କ ମେଳରେ ତୁ ବଡ଼ ଚଞ୍ଚଳ

ହୃଦୟଟି ତୋର ଭାରି କୋମଳ l

ତୁ ଅଟୁ ବଣର ନିରୀହ ପ୍ରାଣୀ

ଭଲଲାଗେ ତୋର ଚୋରା ଚାହାଣି l

ହରିଣ ଛୁଆରେ ହରିଣ ଛୁଆ

ଖୁସିରେ ଡାକୁଛି ଧାଇଁ ପଳିଆ l

ପାଖକୁ ଆସିଲେ କରିବି ଗେଲ

ସ୍ନେହଦେଇ ସଦା ପାଇବି ଭଲ l