ହରି ବଲ୍ଲଭା
ହରି ବଲ୍ଲଭା
ଜୟ ମା ହରି ବଲ୍ଲଭା ଜଗତଜନନୀ ।
ନମସ୍ତେ ନମସ୍ତେ ମାତା ଲକ୍ଷ୍ମୀନାରାୟଣୀ ॥
ନାରାୟଣ ବକ୍ଷଦେଶେ ସେବା ଫଳେ ବିଜେ ।
ଜଗତର ପଡିଦାତ୍ରୀ ମାତା ତୁମେ ନିଜେ ॥
ସାଗର ଦୁଲଣି ମାତା ତୋର କୃପା ବଳେ ।
ଧନ ଜନ ଗୋପ ଲକ୍ଷ୍ମୀ ସର୍ବ ସୁଖ ମିଳେ ॥
ଲକ୍ଷ୍ମୀ ପଦ୍ମାଳୟା ପଦ୍ମା କମଳା ଇନ୍ଦିରା ।
ଶ୍ରୀ ହରିପ୍ରିୟା ଲୋକମାତା ତୋ ନାମ ପରା ॥
କ୍ଷୀରାବ୍ଧିତନୟା ରମା ମାତା ତୁ ଚଞ୍ଚଳା ।
କେତେ କେତେ ରୂପେ ମାତା କରୁ ଲୀଳା ଖେଳା
ସୁରଗଣେ ପୂଜନ୍ତି ମା ତୋତେ ଶ୍ରୀମନ୍ଦିରେ ।
ଶଙ୍ଖ ଚକ୍ର ଧରୁ ମାତା ଉଭୟ ହସ୍ତରେ ॥
ଗରୁଡ ଆସନେ ବିଜେ ହରିଙ୍କ ସଙ୍ଗରେ ।
ମହାପାପ ନାଶ ହୁଏ ତୋ ନାମ ନେବାରେ ॥
ସର୍ବ ବରଦାତ୍ରୀ ମାତା ସର୍ବ ଦୁଃଖହାରୀ ।
ସର୍ବ ପାପ ନାଶ ହୁଏ ତୋ ନାମ ସୁମରି ॥
ସିଦ୍ଧି ବୁଦ୍ଧିଦାତ୍ରୀ ଭୁକ୍ତି ମୁକ୍ତି ପ୍ରଦାୟିନୀ ।
ସକଳ ଆର୍ତ୍ତିହାରିଣୀ ଶାନ୍ତି ପ୍ରଦାୟିନୀ ॥
ବାଇ ଠାକୁରାଣୀ ନାମ ଜଗତେ ବୋଲାଉ ।
ଏକ ଠାବେ ସ୍ଥିର ହୋଇ କେବେ ତୁ ନ ରହୁ ॥
କାଞ୍ଚନ ବରନା ପଦ୍ମ ଫୁଲେ ଉଭା ତୁହି ।
ଭକତି ଭାବକୁ ଘେନି ହେଉ ବରଦାୟୀ ॥
ହିରଣ୍ୟ କଳସ ତୋର ହସ୍ତେ ଶୋଭା ପାଏ ।
ପଦ୍ମ ଦୁଇ ତୋର ଊର୍ଦ୍ଧ୍ବ ହସ୍ତେ ଶୋହୁଥାଏ ॥
ଚାରି ଗଜ ରହିଥାନ୍ତି ପାଶରେ ତୋହର ।
ହରିବଲ୍ଲଭା ମା ତୋର ପଦେ ନମସ୍କାର ॥
ସଭିଙ୍କ କଲ୍ୟାଣ ମାତା କରିବୁ ସର୍ବଥା ।
ଏହି ଅଳି ତୋ ପାଶରେ ଆଗୋ ଲୋକମାତା ॥
ଅନ୍ତଃ କାଳେ ଦେଖା ଦେବୁ ହରିଙ୍କ ସଙ୍ଗରେ ।
ତରିଯିବି ଭବବନ୍ଧୁ ମାତା ତୋ କୃପାରେ ॥