ଲାଇବ୍ରେରୀ
ପ୍ରୋଫାଇଲ୍
ହୋଲିର ଫଗୁ
ହୋଲିର ଫଗୁ
1 min
259
ଫେରିଗଲା ବେଳେ ଫଗୁଣ
ଫଗୁ ଖେଳିଯା ବସନ୍ତ ଦିଏ ରାଣ
ଫୁଲେଇ ଫଗୁଣ ପଳାତକ ହେଲେ
ଫଗୁ ଖେଳ ଅକାରଣ
ଫଗୁ ଫଗୁରେ ଫୁଲୁରି ନିମନ୍ତ୍ରଣ
ରଙ୍ଗର ରୁପସୀ ରଙ୍ଗେଈ ଅଳସୀ
ଫଗୁରେ ଭରି କଳସୀ
ଇନ୍ଦ୍ରଧନୁ ସମ ଧରା ଆକାଶେ ଖସି
ଫଗୁରେ ଫଗୁରେ ଅଳପ ହସି
ଯାଆନା ଫଗୁଣ ହେଇଯିବ ସବୁ ବାସି
ବରଷକେ ଥରେ ହୋଲିରେ ହୋଲିରେ
ରଙ୍ଗ ବରଷାରେ ଯିବା ବରଷି
ରଙ୍ଗିଲା ଆଖିରେ ରଙ୍ଗ ପରଶରେ
ଫୁଲ ପରି ଫଗୁ ଫୁଲେଇ ହଉଛି
ସକାରଣ ଅବା ଅକାରଣ ହୋଲି
ବସନ୍ତ ଫିକ ଫିକ ଦିଏ ହସି
ଅଳପ ଗଳପ ମଧୁରେ ମଧୁରେ
ଫଗୁରେ ଫଗୁଣ ହେଇଯା ଖୁସି
ଆଜି କଥା କିଏ କାଲିକି କହିବ
ଏ ସନ ଯାଅନା ରୁଷି
ରଙ୍ଗର ହୋଲି ଫୁଟିଛି ମଲ୍ଲୀ
ବୁଲିଚାହେଁ ସେଇ ଦୂରଦେଶୀ
ଫାଜିଲ ଫଗୁ ପହିଲି ପହିଲେ
ମନମାନୀ ହୋଲିରେ ଗଲା ଭାସି l
