Library
Profile
ହୋଲି
ହୋଲି
ଫଗୁଣ ଆସେ ଫଗୁ ଧରିକା
ଧରଇ ପ୍ରୀତି ମଙ୍ଗ
ଚୋରା ପୀରତି କଛପ ଗତି
ଧରିଲେ ଧରେ ରଙ୍ଗ।
ରଙ୍ଗରେ ରଙ୍ଗ ରଙ୍ଗିବା ପାଇଁ
ବସିଛି ମୁହିଁ ଟାକି
ହୋଲିରେ ହୋଲି ହୋଲି ପରବ
ଆସୁନ କାହିଁ ଜଲ୍ଦି ।
ସରିଲେ ସିନା ପୂର୍ଣ୍ଣମୀ ରାତି
ମୋଉଜ ହୋଲି ହେବ
ସାତ ରଙ୍ଗର ଯେତେ ବେଭାର
କେତେ ଆନନ୍ଦ ଦେବ।
ରଙ୍ଗରେ ରଙ୍ଗ ରଙ୍ଗିବା ପାଇଁ
କେତେ ପୀରତି ପେଖି
ହୋଲିରେ ହୋଲି ହୋଲି ପରବ
ଆସୁନ କାହିଁ ଜଲ୍ଦି ।
ଫଗୁଣେ ତମେ ଆସିଲେ ପରା
ହାତରେ ଦେବ ଧରା
ରଙ୍ଗ ପରବ ରଙ୍ଗର ହୋଲି
ରଙ୍ଗ
ରେ ପ୍ରୀତି ଭରା
ରଙ୍ଗ ବୋଳିଲେ ମଙ୍ଗ ଧରିବ
ରାସରେ ଯିବି ଭିଜି
ହୋଲିରେ ହୋଲି ହୋଲି ପରବ
ଆସୁନ କାହିଁ ଜଲ୍ଦି ।
ବରଷ ଗୋଟେ ପରେ ଆସୁଛ
ହରଷ ହୁଏ ମନ
ନାଗର ହୋଇ ରଙ୍ଗ ବୋଳିଲେ
ଲାଜେ କି ଯିବ ଦିନ।
ରଙ୍ଗ ରଖିଛି ରଙ୍ଗେଇ ହେବି
ଯାଅନି ଲାଜେ ଲୁଚି
ହୋଲିରେ ହୋଲି ହୋଲି ପରବ
ଆସୁନ କାହିଁ ଜଲ୍ଦି ।
ଫଗୁଣେ ଫଗୁ ମହକ ତାର
ଟୁକୁରୁ ଟୁକୁ ଛାତି
ରଙ୍ଗ ସୁଆଙ୍ଗ ପ୍ରେମ ତରଙ୍ଗ
ଭରୁଛି ଆଣି ତାତି
ପୂର୍ଣ୍ଣମୀ ରାତି ରହିଛି ବାକି
ନିଦ ଯାଇଛି ହଜି
ହୋଲିରେ ହୋଲି ହୋଲି ପରବ
ଆସୁନ କାହିଁ ଜଲ୍ଦି ।
