ହିରୋ

ପ୍ରେମ ସପନରେ ଯିଏ ହଜିଯାଏ 

     ସପନ ବଣିକ ସିଏ 

ସଚିତ୍ର ନାୟକ ହିରୋ ପରିଚୟ

     ସ୍ଵାଭିମାନେ ବଞ୍ଚି ଥାଏ

 ମହା ଅଭିନେତା କର୍ମବୀର ସଦା

    ରଙ୍ଗ ମଂଚେ ପ୍ରେକ୍ଷାଳୟେ

ଦର୍ଶକ ମନରେ ଜାଗରଣ ଆଣେ

      ଚାରିତ୍ରିକ ଅଭିନୟେ  ।

 ସପନ ରାଇଜେ ସାଜେ ସିଏ ହିରୋ

     ପ୍ରେମିକ ପ୍ରବର ବୋଲି

ପ୍ରେମ ପାଇଁ ପ୍ରେମୀ ଦିଏ ଜଳାଞ୍ଜଳି

      କିଏବା ପାରିବ ଭୁଲି   ।

ସୀମାନ୍ତେ ଜଗିଛି ଜାଗ୍ରତ ପ୍ରହରୀ

   ସେଯେ ଆମ ସଚ୍ଚା ମିତ

 ଦେଶମାତୃକାର ସୁଯୋଗ୍ୟ ସନ୍ତାନ

    ଜୀବନ ଉତ୍ସର୍ଗିକୃତ ।

ପ୍ରକୃତ ହିରୋର  ସୁପରିଚୟ

   ସେବା ଧର୍ମ ମହନୀୟ

ସାମୁହିକ କାର୍ଯ୍ୟ  ମଙ୍ଗଳ ବିଧାନ

    ସମାଜରେ ଗ୍ରହଣୀୟ ।

 ହିରୋ ସ୍ମୃତି ଛବି ଉଦ୍ଭାସିତ ଆଜି

     ଅବିସ୍ମରଣୀୟ ଫର୍ଦ୍ଦେ

ଇତିହାସ କହେ ସ୍ମୃତି ଅବକାଶେ

    ହାରି ନଥିଲେ ସେ ଯୁଦ୍ଧେ ।

ପରାଧୀନତାର ଶୃଙ୍ଖଳ ଉନ୍ମୁକ୍ତ

  ହେମହା ସଂଗ୍ରାମୀ ସାଥୀ

ତଵ ବଳିଦାନେ ଭାରତୀ ମାଆ ହସେ

    ଅଭୁଲା ରହିଛି ସ୍ମୃତି ।

ଡାକ୍ତର ବଇଦ ବିଜ୍ଞ ବୈଜ୍ଞାନିକ

    ଯନ୍ତ୍ରୀ ମନ୍ତ୍ରୀ ପ୍ରସାଶକ

ସମାଜ ସେବାରେ ଅଛନ୍ତି କୁଶଳେ

   ସଭିଏଁ ତ ମହାହିରୋ  ।