ହେବାନି ଜଟିଳ

ଏଇ ସ°ସାରଟା ରଙ୍ଗମଞ୍ଚ ପରି

ଜୀବନ ନାଟକ ଅଢେଇ ଦିନ

ଅଭିନୟ ସାରି ବାହୁଡିବେ ସର୍ବେ

କେବଳ ସମୟ ହିଁ ମୂଲ୍ୟବାନ ।

ଯିବେ ନାହିଁ ସାଥେ ପ୍ରିୟ ପରିଜନ

ଅର୍ଜିତ ଆପଣା ଧନ ସମ୍ପଦ

ଯେତେ ମାୟାମୋହ ଗର୍ବ ଅହଙ୍କାର

ବୃଥା ବଡ଼ପଣ କ୍ଷମତା ପଦ ।

ବଡ଼ବଡ଼ କୋଠା ତଳ ବହୁତଳ

ପ୍ରଭୁତ୍ୱ ପଣିଆ ଗାଡି ଓ ଘୋଡା

ଯେତେ ଚାକଚକ୍ୟ ଫନ୍ଦି ଓ ଫିକର

ଛଳ ପ୍ରବଞ୍ଚନା ପାପ ଅଲୋଡା ।

ରହିଯାଏ ଯଶ ଗୁଣ ଆଦରଶ

ଏକା ନିଷ୍କପଟ ମଣିଷ ପଣ

ହେବାନି ଜଟିଳ ମୂଲ୍ୟବୋଧ ଉଚ୍ଚେ

ଅରଜିବା ଆସ ଜୀବନେ ପୁଣ୍ୟ ।