ହେ ସମୟ
ହେ ସମୟ
କାହା ପାଇଁ ତୁମେ ପ୍ରୀତିର ବସନ୍ତ
କାହା ପାଇଁ ଶୀତ ରାତି
ବରଷା ରାତିର ଘନ ଅନ୍ଧକାର
କୁଅାଁର ପୂନେଇ ଗୀତି ।
କାହାପାଇଁ ଅାସ ଫୁଲ ଋତୁ ହୋଇ
ଅଦିନ ମଳୟ ସାଜି
ଜାଳିପୋଡି ମାର କାହାକୁ କେମିତି
ହୋଇ ବଇଶାଖୀ ଝାଞ୍ଜି ।
କେବେ ଦେଇ ପୁଣି ରୋମାଞ୍ଚର ସ୍ପର୍ଶ
କରିଥାଅ ପୁଲକିତ
ନିଷ୍ଠୁର ନିର୍ମମ ହୋଇଯାଅ କେବେ
କରିଣ କ୍ଷତବିକ୍ଷତ ।
ରୋମାଞ୍ଚରୁ ଝରେ ପ୍ରେମର କବିତା
ଶିହରଣ ଅାଣେ ମନେ
ଦୁଃଖର କବିତା ଝରିଝରି ଅାସେ
ଲହୁଝରା କ୍ଷତ ସ୍ଥାନେ ।
ସତ୍ୟବାଦୀ ହାଇସ୍କୁଲ୍,ଧଣ୍ଡାମାଳ,ଦେଓଗାଁ,ବଲାଙ୍ଗିର