ହେ ସାରଥି
ହେ ସାରଥି
ହେ ସାରଥି,
ବାହିନିଅ ଜୀବ ରଥ,
ତୁମେ ଜ୍ଞାନ ତୁମେ ବୁଦ୍ଧି
ତୁମେ ଲକ୍ଷ୍ୟ ତୁମେ ସୁପଥ ।
ଧରିଥାଅ କଷି ହାତେ
ମୋ ଜୀବନ ରଜ୍ଜୁ,
ସତ୍ୟ ତୁମ ସ୍ୱରୂପ ରେ
ମନ ମୋର ମଜ୍ଜୁ,
ତୁମ ବିନା ସାହା କିଏ
ଅଛି ଆଉ ନାଥ ।
ହେ ସାରଥି------
ଗୁରୁ ବ୍ରହ୍ମା ବିଷ୍ଣୁ ତୁମେ
ଶିବ ମହେଶ୍ୱର,
ତୁମ ଆଜ୍ଞା ବିନା ଗଛେ
ହଲେ ନାହିଁ ପତ୍ର,
ତୁମେ କର୍ମ ଜ୍ଞାନ ଭକ୍ତି
ଧର୍ମ ମୂଳ ସ୍ରୋତ ।
ହେ ସାରଥି-----
ତୁମେ ପରମ ଶକତି
ଯୋଗୀ ରାଜେଶ୍ୱର,
ଶ୍ରୀ ମୁଖ ପଦ୍ମୁ ନିଃସୃତ
ଗୀତା ଜ୍ଞାନ ସାର,
ଦିଅ ସୁବୋଧ ଅଜ୍ଞାନେ
ପୂରୁ ମନୋରଥ ।
ହେ ସାରଥି------
ହରେକୃଷ୍ଣ ହରେରାମ
ପ୍ରଭୁ ଜଗନ୍ନାଥ,
ଇଷ୍ଟ ପରମେଷ୍ଟ ଦେବ
ଶ୍ରୀ ରାଧା ଗୋପୀନାଥ,
ଦୟାକର ମୁଢ ମତେ
ଶରଣ ଭରତ ।
ହେ ସାରଥି------
----------