ହେ ମଧୁବାବୁ ଦେଖିଯାଅ ତୁମ ସ୍ବପ୍ନର ଉତ୍କଳ

ଉତ୍କଳ ଗୌରବ ଧନ୍ଯ ମଧୁବାବୁ ଅବଦାନ ତୁମ

ଚିରସ୍ମରଣୀୟ ଜାତିପ୍ରାଣ ତୁମେ ଜ୍ଯୋତି ଅମ୍ଳାନ,

ସୁକବି ଲେଖକ ଥିଲ ସ୍ବାଭିମାନୀ ଖଣ୍ଡ ବିଖଣ୍ଡିତ

ଓଡିଶା ରାଇଜ ସ୍ବତନ୍ତ୍ରତା ପାଇଁ ଦେଲ ଆହ୍ୱାନ ।

ଅଗ୍ରଦୂତ ତୁମେ ଅନନ୍ଯ ସଂଗ୍ରାମୀ ଜାତି ନନ୍ଦିଘୋଷ 

ଆଗୁସାର ପାଇଁ ସାଜିଲ ସାରଥି ମୁଖ୍ଯ ପୁରୋଧା,

ହୋଇ ସର୍ବସ୍ବାନ୍ତ ସାଧିଛ ଉତ୍କର୍ଷ ଭୀଷ୍ମ ପିତାମହ

ପ୍ରତିପାଦୀ ଯୁକ୍ତି ବିସ୍ତାରି ଦିଗନ୍ତେ ନୂତନ ସ୍ପର୍ଦ୍ଧା ।

ଗଢିଛି ଉତ୍କଳ ଆପଣା ହାତରେ ତାରକସୀ ସୂକ୍ଷ୍ମ 

ଉତ୍କଳ ଟାନେରୀ ଚମଡାର ଯୋତା ଆକର୍ଷଣୀୟ,

ହେ ମଧୁସୂଦନ ଅପୂର୍ବ ପ୍ରେରଣା ରଚିଛି ଧୀଶକ୍ତି

ଜାତିର ଉତ୍ଥାନ ନବ କୀର୍ତ୍ତିମାନ ସ୍ବର୍ଣ୍ଣ ଅଧ୍ଯାୟ ।

ଜାଗି ଉଠୁ ଜାତି ଦୃଢ ଇଚ୍ଛାଶକ୍ତି ପ୍ରତ୍ଯୁତ୍ପନମତି

ହେଉ ସ୍ବାବଲମ୍ବୀ ନ ପ୍ରସାରୁ ହସ୍ତ ନ ପାତୁ ଥାଳ, 

ଥାଇ ସବୁକିଛି ପ୍ରାଚୁର୍ଯ୍ୟ ସମ୍ବଳ କାହିଁକି ଗରୀବ

ହେ ମଧୁବାବୁ ଦେଖିଯାଅ ତୁମ ସ୍ବପ୍ନର ଉତ୍କଳ ।

      -----