ହେ ଈଶ୍ୱର

ନାହିଁ ଆଦି ନାହିଁ ଅନ୍ତ ଯେ ବିଶ୍ୱବ୍ୟାପକ

ସର୍ବଶକ୍ତିମାନ ସୃଷ୍ଟି ସ୍ଥିତି ବିନାଶକ |

ଅଣୁ ପରମାଣୁ ଅନ୍ତରୀକ୍ଷ ଅଛ ପୂରି

ଆତ୍ମାରୂପେ ପ୍ରଭୁ ସର୍ବ ଘଟରେ ବିହରି |

ପରଂବ୍ରହ୍ମ ପରାତ୍ପର ଦୟାମୟ ହରି 

ତଵ ମହିମା ବର୍ଣ୍ଣନ କିଏ ପାରେ କରି |

ଯା ଆଦେଶେ ଚନ୍ଦ୍ର ସୂର୍ଯ୍ୟ ହୋନ୍ତି ଆତଯାତ

ଯାର ଆଜ୍ଞା ଶିରେ ବହି ବହଇ ମରୁତ |

ଜଳଧି ନଡିଏଁ କୂଳ ଚଳେନା ପର୍ବତ 

ଶସ୍ୟ ଫଳ ଦାନ କରେ ଉଦ୍ଭିଦ ଜଗତ |

ଅଗ୍ନି ଦିଏ ତାପ ସୂର୍ଯ୍ୟ ବିତରେ ଆଲୋକ

ନିୟମେ ଦିବସ ରାତ୍ର ଚାଲେ ଋତୁଚକ୍ର |

ଇଛାମୟ ତୋ ଇଚ୍ଛାରେ ଚଳେ ଚରାଚର

ତୋ ଇଙ୍ଗିତ ବିନା ବୃକ୍ଷେ ହଲେନା ପତର |

ହେ ଈଶ୍ୱର ସଦା ବିରାଜିତ ମୋ ଅନ୍ତର

ଅନ୍ତର୍ଯ୍ୟାମୀ ନାଥ ହରି କରୁଣା ସାଗର |

ଦିଅ ମୋତେ ଶୁଭ ବୁଦ୍ଧି ଦିଅ ଦିବ୍ୟ ଜ୍ଞାନ

ସତ୍ୟ ପଥେ ଧର୍ମ ପଥେ ନିଅ ଭଗବାନ |

ପରୋପକାର ସାଧନେ ଅଙ୍ଗେ ଦିଅ ଶକ୍ତି 

ହେ ଈଶ୍ୱର ପାଦପଦ୍ମେ ଏତିକି ବିନତି |