ହେ ଈଶ୍ୱର

ହେ ଈଶ୍ବର

ମାର୍ଗ ଦର୍ଶାଅ

କାହାକୁ ତ୍ୟାଗିବି

କାନ ନା ଆଖି

ଦାନ୍ତ ନା କେଶ

ଚୟନ କଣ ଏତେ ସହଜ

ଜୀବନ ସୂର୍ଯ୍ୟ ଢଳିବା ବେଳେ 

ନିଜେ ତ ମୁଁ ଏକ ବୋଝ

ବାର୍ଦ୍ଧକ୍ୟ କଣ କମ କଷ୍ଟଦାୟକ ଯେ 

ପୁଣି ଅଙ୍ଗ ମାନଙ୍କ ଅପାରଗତା

ଯନ୍ତ୍ରଣା ଭୋଗିବା ତ ସ୍ଥିରୀକୃତ

ତେବେ କେଉଁ ଯନ୍ତ୍ରଣା ମାଗିବି

ମାନସିକ ନା ଶାରୀରିକ

ଏଇ କଣ ଏକ ମାତ୍ର ମାଧ୍ୟମ

ବୁଝେଇବାକୁ ଯେ

ସବୁ ଅଳିକ... ସବୁ କ୍ଷଣିକ

ହେ ଈଶ୍ୱର ମାର୍ଗ ଦର୍ଶାଅ

କାହାକୁ ଆପଣେଇବି

ଖୁସି ଖୁସି

ଜରା, ବ୍ୟାଧି, ଯନ୍ତ୍ରଣା

ସବୁ ତ ପୂର୍ବରୁ ସ୍ଥିର