ଲାଇବ୍ରେରୀ
ପ୍ରୋଫାଇଲ୍
ଦାନ୍ତ
ଦାନ୍ତ
1 min
301
ଶେଷ ଧାଡ଼ିର ଦାନ୍ତ ମୁଁ
କିଏ କହେ ଅଦରକାରୀ
କିଏ କହେ ଜ୍ଞାନ ଦାନ୍ତ
କେଜାଣି କଣ ପାଇଁ ମୋର ସୃଷ୍ଟି
ପ୍ରାୟତଃ ମୋତେ ହିଁ ଉପାଡି ଦିଆଯାଏ
ଯେବେ ଅସହ୍ୟ ହୁଏ କଷ୍ଟ
ବୋଧହୁଏ ମୁଁ ଏକ ମାଧ୍ୟମ
ଚେତେଇ ଦେବାକୁ
ହେ ମନୁଷ୍ୟ
ବାନ୍ଧ ଏଥର ମୋହ ମାୟାକୁ ଗଣ୍ଠିଲି ରେ
ଫେରିବାର ସମୟ ହେଲାଣି
ସଂଳାପ ବି ସରି ଆସିଲାଣି ଜୀବନ ମଞ୍ଚରେ
ଏବେ ତ ନିକଟ ବିଦାୟର ବେଳ
ଉଈ ଖିଆ ଶରୀରକୁ ବୋହି
ଅପ୍ରିୟ ସତ୍ୟକୁ ଢ଼ୋକିବାର ସମୟ
ଦୁଃଖ ଏତିକି ଲୋକେ କହନ୍ତି
ଜ୍ଞାନ ଦାନ୍ତ ଦୁଃଖ ଦେଲା
କେହି ବୁଝେନି
ଧାଡ଼ିର ଶେଷ ଦାନ୍ତର କୋହ l
