Library
ହାଏରେ ତୋର ନାଲି ଓଢଣୀ
ହାଏରେ ତୋର ନାଲି ଓଢଣୀ
ଯେବେ ଦେଖା ହେଲା ପ୍ରଥମ ଥର
ମନ ତ ଉଡୁଥଲା ହୋଇ ଫରଫର
ଆଖିରେ ଲାଖି ଗଲା ତୁମ ଚାହାଣି
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ସପନ ରେ ତମକୁ ଦେଖିଲି ଯେବେ
ମନ ଅଗଣାରେ ତମ ରୂପ ରଙ୍ଗ
ଫୁଟି ଉଠୁଥିଲା କେତେ ତମ ଚାହାଣି
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ହୃଦୟକୁ ପଚାରିଲି ଯେବେ ତୁମ କଥା
ଶୀହରଣ ହେଲା ମୋର ହୃଦୟ ସ୍ପନ୍ଦନ
ସ୍ପନ୍ଦନଟା ଭାବୁଥାଏ ତୁମେ ମୋର ରାଣୀ
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ବସନ୍ତର ମୃଦୁ ମଳୟଟା କରୁଥିଲା ଅଳି
ପ୍ରିୟାତମା ତମ ସାଥେ ଖେଳିଥାନ୍ତି ହୋଲି
ହେଲେ କୋଇଲି ଗାଉଥିଲା ମଳୟ ରାଗିଣୀ
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ଫଗୁଣର ଫଗୁରଙ୍ଗେ ଭାରାକ୍ରାନ୍ତ ମନ
ବୁଝେନି କଦାପି ସିଏ ଭାବେ ରାତିଦିନ
ଫଗୁଣ ବିନା ଫିକା ଲାଗେ ତା ଚାହାଣି
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ବରଷାର ଭିଜା ଭିଜା ମାଟିର ବାସ୍ନାରେ
କେଶ ତୁମ ଭିଜୁଥିଲା ବରଷା ଛିଟାରେ
ଚିକଣିଆ ଲାଗୁଥାଏ ତମ ପଛ ଚାହାଣି
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ଶରତ ସୁନ୍ଦରୀ ସାଥେ ଯେବେ ତୁମେ
ହେଇଯାଏ ଯଦି ହଠାତ୍ ଭେଟା ଭେଟି
କାଶତଣ୍ଡି ଫୁଲ ଈର୍ଷା କରେ ଦେଖି ତୁମ ଚାହାଣି
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
ଶୀତ ରାତି ଯେବେ ଦେଖେ ତୁମ ବେଶ
କାକର ବିନ୍ଦୁରେ ସଜାଇ ଚେହେରା ତୁମର
ନବ ବଧୁ ବେଶରେ ଖୋଜେ ତୁମ ସଜାଣି
ହାଏ ରେ ତୋର ନାଲି ଓଢଣୀ
ମୋତେ କରିଛି କେତେ ଯେ ଗୁଣି ।
