ଗୁରୁଙ୍କ ପାଇଁ ପଦେ
ଗୁରୁଙ୍କ ପାଇଁ ପଦେ
ହେ! ଗୁରୁ ତୁମେ ମଙ୍ଗଳମୟ
ତୁମ ବିନା ଗତି ନାହିଁ,
ଜଣାଏ ପ୍ରଣତି ହୃଦ କନ୍ଦର ରୁ
ପୟରେ ମଥା ନୁଆଁଇ । ...୧
ଅଜ୍ଞାନ ଅନ୍ଧାରୁ ମୁକ୍ତି ଦେଇ ତୁମେ
ଜ୍ଞାନାଲୋକ ଭରି ଦିଅ,
ରଙ୍ଗହୀନ ଜଣେ ଶିଷ୍ୟ ଜୀବନ ରେ
ରଙ୍ଗପୂର୍ଣ୍ଣ କରିଦିଅ । ...୨
ପିତା ମାତା ପରା ପ୍ରଥମ ଗୁରୁ ଯେ
ସିଲଟ ଧରା ଶିଖାନ୍ତି,
ବିଦ୍ୟାଳୟେ ଗୁରୁ ଖାତା କଲମରେ
ସାରା ଦୁନିଆ ଦେଖାଇଥାନ୍ତି । ...୩
ପିତା ମାତାଙ୍କର ଦ୍ୱିତୀୟ ରୂପ ସେ
ଆଦରେ ନିଅନ୍ତି ଯତ୍ନ,
ବଡ଼ ହେବାପାଇଁ ଉପଦେଶ ସଂଗେ
ପ୍ରସାରନ୍ତି ବିଦ୍ୟାରତ୍ନ । ...୪
ନିଜ ସୁଖ ଦୁଃଖ ପଛରେ ପକାଇ
ଶିଷ୍ୟ ପାଇଁ ଆଗଭର,
ଜ୍ଞାନ ମଶାଲରେ ବିଶ୍ଵକୁ କରନ୍ତି
ଆଲୋକିତ ନିରନ୍ତର । …୫
ଯେତେ ସବୁ ଅଛି ପଦ ଓ ପଦବୀ
'ଗୁରୁ' ପଦବୀ ଠୁ ଛାର,
ପ୍ରାଚୀନ ଯୁଗରୁ ରହିଅଛି ପ୍ରଥା
ଗୁରୁୁ, ଶିଷ୍ୟ ସମ୍ପର୍କର । ...୬
ଯେତେ ଲେଖିଲେ ବି ଅଳପ ଲାଗୁଛି
ମନ ଜମା ମାନୁନାହିଁ,
ଏହି କିଛି ଧାଡି ସଜାଡି ଦେଇଛି
ଗୁରୁଙ୍କ ସମ୍ମାନ ପାଇଁ । ...୭