ଗୁରୁଙ୍କ ଚରଣେ ରହୁ ଭକତି

ଗୁରୁଙ୍କ ଚରଣେ ରହୁ ଭକତି,

ପ୍ରାପ୍ତ କରୁଥିବି ଜ୍ଞାନ ଶକତି ।

ଅଜ୍ଞାନ, ଅନ୍ଧାର କରନ୍ତି ଦୂର

ଜ୍ଞାନ ପ୍ରଦାୟକ ଶ୍ରେଷ୍ଠ ଠାକୁର ।

ଗୁରୁ ବ୍ରହ୍ମା, ବିଷ୍ଣୁ ଓ ମହେଶ୍ବର,

ପିତା, ମାତା, ବନ୍ଧୁ ସେ ସହୋଦର ।

ଗୁରୁ ପାଦପଦ୍ମେ ରଖିଲେ ଲୟ,

ସକଳ କାର୍ଯ୍ୟରେ ହୋଇବ ଜୟ ।

ଗୁରୁଙ୍କ ଆଦେଶେ ଆଗକୁ ଗଲେ,

ପ୍ରଗତି ଛୁଇଁବା ଯେ ସବୁବେଳେ ।

ଗୁରୁଙ୍କ ଆସନ ସର୍ବଦା ଉଚ୍ଚ,

ନାହିଁ ଆବିଳତା ସମ୍ପୂର୍ଣ୍ଣ ସ୍ୱଚ୍ଛ ।

ପ୍ରଣାମ ଘେନିବ ହେ ଗୁରୁଦେବ,

ତୁମ ଆଶୀର୍ବାଦ ମୋର ବିଭବ ।