ଗୁରୁଦେବ ନମସ୍ତୁତେ

ବାପାବୋଉ ଆମ ପ୍ରାରମ୍ଭିକ ଗୁରୁ

ତାଙ୍କ ପାଦେ ନୁଏଁ ମଥା

ବିଦ୍ୟାଳୟ ଶିକ୍ଷା ପୂର୍ବରୁ ତାଙ୍କଠୁ

ଶିଖି ଥାଉ ବହୁ କଥା ।

ଜନମୁଁ ଏଯାଏଁ କେତେ କଷ୍ଟ ସିଏ

କରିଛନ୍ତି ଆମ ପାଇଁ

ବିପଦେ ଆପଦେ ଦେଇଥା'ନ୍ତି ଶିକ୍ଷା

ପାଖେ ପାଖେ ସଦା ରହି ।

ବାପା ବୋଉ ପରି ବିଦ୍ୟାଳୟେ ପରା

ଗୁରୁଜୀ ପଢ଼ାନ୍ତି ପାଠ

ଦ୍ୱିତୀୟ ଗୁରୁ ସେ ତାଙ୍କ ପାଖେ ପଢ଼ି

ବଡ଼ ହୁଏ ଦିନେ ଚାଟ ।

ଓଦା ମାଟି ପିଣ୍ଡ ପରି ଶିଶୁଥାଏ

ବିଦ୍ୟାଳୟ ଯେବେ ଯାଏ

ଗୁରୁଙ୍କ ସାନ୍ନିଧ୍ୟ ପାଇ ପରା ଶିଶୁ

ସୁନ୍ଦର ମୂର୍ତ୍ତୀଟେ ହୁଏ ।

ଗୁରୁଙ୍କ ପାଖରେ ଶିଷ୍ୟ ତ୍ରୁଟି କଲେ

ପରିହାସ କରନ୍ତିନି

ବୁଝିବା ଯାଏ ମୁଁ ବୁଝାଇ ଦିଅନ୍ତି

ପାଠ ପାଇଁ ମାରନ୍ତିନି ।

ଗୁରୁ ରାମକୃଷ୍ଣ ଆଶିଷରେ ଦିନେ

ବିବେକାନନ୍ଦ ସୁଶିଷ୍ୟ

ସ୍ଵଳ୍ପ ବୟସରେ ଜ୍ଞାନ ଗାରିମାରେ

ଜୟ କରିଥିଲେ ବିଶ୍ଵ ।

ଯେତେ ବଡ଼ ବାଧା ଅସୁବିଧା ଆସୁ

ଦେଲେ ଗୁରୁ ନାମ ଧରି

ବିପଦ କୁଆଡ଼େ ଯାଏରେ ଉଭେଇ

ହେଉ ସୁବିଧାରେ ପାରି ।

ସୁପଥ ଦେଖାନ୍ତି ଗୁରୁ ସଦାବେଳେ

କେହି ନୁହେଁ ତାଙ୍କ ଭଳି

ଚନ୍ଦନଠୁ ବହୁଗୁଣେ ମୂଲ୍ୟବାନ୍‌

ଗୁରୁଙ୍କର ପାଦ ଧୂଳି ।

ଗୁରୁଙ୍କର ଗାଳି ତାଙ୍କ ନାଲି ଆଖି

ହିତ ଆମ ପାଇଁ ସତେ 

ଗୁରୁ ଅବଦାନ ସତରେ ମହାନ

ଗୁରୁଦେବ ନମସ୍ତୁତେ ।