ଗୁରୁ

ଗୁରୁ ଯେ ଅଟନ୍ତି ମଳୟ ପବନ 

ଜ୍ଞାନ ର ପରଶ ଦେଇ 

କାଷ୍ଠ କୁ କରନ୍ତି ସୁଗନ୍ଧ ଚନ୍ଦନ  

କୃପା ବାରି ବରଷାଇ । 

ପରଶ ମଣୀ ର ତୁଲ୍ଯ ଅଟେ ଗୁରୁ 

ପରଶ ମାତ୍ର କେ ସେଇ 

କାଚ କୁ କାଞ୍ଚନ କରିଥାନ୍ତି ଗୁରୁ 

ଶିଷ୍ଯ କୁ ସେ ଆପଣାଇ । 

ଗୁରୁ ବ୍ରହ୍ମ , ବିଷ୍ଣୁ , ଗୁରୁ ମହେଶ୍ଵର 

ସାକ୍ଷାତ ଈଶ୍ବର ହେଇ 

ଅଜ୍ଞାନ ଅନ୍ଧାରେ ଜ୍ଞାନାଲୋକ ଦେଇ 

ଦିବ୍ୟାଲୋକ ପ୍ରକାଶଇ । 

ଗୁରୁ ପିତା ମାତା ଗୁରୁ ଜ୍ଞାନ ଦାତା 

ମାର୍ଗ ଦର୍ଶକ ଟେ ହେଇ 

ସତ୍ ମାର୍ଗେ ଚାଳି ଜ୍ଞାନ ଦୀପ ଜାଳି 

ଭବିଷ୍ୟତ ଗଢିଥାଇ । 

ସଦ୍ ଗୁରୁ ଜ୍ଞାନ ମଳୟ ପବନ 

ଅମୃତ ପରଶ ନେଇ 

ଲିମ୍ବ କାଷ୍ଠ ଟିଏ ଚନ୍ଦନ ପରାଏ 

ଶିଷ୍ଯ ଭାଗ୍ୟ ଚମକାଇ । 

ଗୁରୁ ପାଦେ ସେବା ସମର୍ପିତ ହେବା 

ଗୁରୁ ସେବା ବ୍ରତୀ ହେଇ 

ଈଶ୍ବର ଜ୍ଞାନ ରେ ଭକତି ଭାବରେ  

ଚରଣେ ଶରଣ ଥାଇ । 

ଗୁରୁ ଭକ୍ତି ଧନ ମଳୟ ପବନ 

ସଂସାର ର ସତ୍ୟ ଏଇ 

କାଷ୍ଠ କୁ ଚନ୍ଦନ କରନ୍ତି ଯେସନ

କୃପା ବଳେ ମହକାଇ ।