ରଥଯାତ୍ରା

ଆଷାଢ ଶୁକ୍ଳରେ ଦ୍ଵିତୀୟା ତିଥିରେ

   ହୋଇ ଥାଏ ରଥ ଯାତ୍ରା

ଭାଇ ଭଗ୍ନୀ ସାଥେ ଜନ୍ମ ବେଦୀ ଯାନ୍ତି

   ଆର୍ତ୍ତତ୍ରାଣ ସୃଷ୍ଟି କର୍ତ୍ତା l୧l

ବିଶ୍ୱ ବାସୀଙ୍କର ମଙ୍ଗଳ ନିମନ୍ତେ

   ମନ୍ଦିରୁ ବାହାର ହୁ'ନ୍ତି

କୋଟି ଜନତାଙ୍କୁ ଦର୍ଶନ ଦେଇଣ

    ପାପ ତାପ ହରି ଥାନ୍ତି l୨l

ବଳଦେବଙ୍କର ତାଳଧ୍ଵଜ ରଥ

   ସୁଭଦ୍ରା ଦେବଦଳନ

ଜଗନ୍ନଥଙ୍କର ନନ୍ଦିଘୋଷ ରଥ

  ବିଜେ କାଳୀୟ ଦଳନ l୩l

ଆଡମ୍ବର ପୂର୍ଣ୍ଣ ବେଶ ଭୂଷା କରି

   ପହଣ୍ଡିରେ ଅଣା ଯାଏ

ଝୁଲି ଝୁଲି ପ୍ରଭୁ ରଥକୁ ଆସନ୍ତି

   କି ସୁନ୍ଦର ଦିଶୁ ଥାଏ l୪l

ଶଙ୍ଖ ଘଣ୍ଟା ଧ୍ଵନି ଉଛୁଳି ଉଠଇ

  ସ୍ତୁତି ପାଠ ସଂକୀର୍ତ୍ତନ

ଗଜପତି ରାଜା ମାର୍ଗ ପରିଷ୍କାର

   ଛିଞ୍ଚନ୍ତି ପାଣି ଚନ୍ଦନ l୫l

ପ୍ରଥମେ ସୁଭଦ୍ରା ରଥକୁ ଟାଣନ୍ତି

   ଦ୍ଵିତୀୟରେ ବଳଦେବ

ଆନନ୍ଦ ଉତ୍ସାହ ଉଦ୍ଦୀପନା ସାଥେ

   ନନ୍ଦିଘୋଷ ଚାଲୁଥିବ l୬l

ଭଜନ କିର୍ତ୍ତନ ନୃତ୍ୟ ହୁଳହୁଳି

   ବଡ଼ ଦାଣ୍ଡ ଉଛୁଳଇ

ପାପି ତାପୀ ମାନେ ଏକାଠି ହୁଅନ୍ତି

   ଚଳନ୍ତି ପ୍ରତିମା ପାଇଁ l୭l

ଚଳନ୍ତି ରଥକୁ ଦର୍ଶନ କରିଲେ

  ସର୍ବ ପାପ କ୍ଷୟ ହୁଏ

ବଡ଼ ଦାଣ୍ଡ ଆଜି ଦେବମୟ ପରା

   ରଥ ପଥ କଥା କହେ l୮l

ଆଡପ ମଣ୍ଡପେ ନବ ଦିନ ରହି

   ଶ୍ରୀମନ୍ଦିର ବାହୁଡ଼ିବେ

ମାଉସୀ ମାଆଙ୍କ ପୋଡ଼ ପିଠା ଖାଇ

   ଖୁସିରେ ଘର ଫେରିବେ l୯l

ଦଶମୀ ବାହୁଡା଼ ଯାତ୍ରା ଏହା ନାମ

   ଲଷ୍ମୀ ମାତା ଋଷି ଥାନ୍ତି

ହେରା ପଞ୍ଚମୀରେ ରଥ କାଠ ଭାଙ୍ଗି

   ଲଷ୍ମୀ ରାଗ ସୁଝାଅନ୍ତି l୧୦l

ଏକାଦଶୀ ଦିନ ସୁନା ବେଶ ହୁନ୍ତି

   ରଜ ରାଜେଶ୍ୱର ବେଶ

ଭକ୍ତଙ୍କ ନୟନ ପବିତ୍ର ହୁଅଇ

   ମନେ ଅମାପ ସନ୍ତୋଷ l୧୧l

ପର ଦିନ ହୁଏ ନୀଳାଦ୍ରୀ ବିଜୟ

   ଭେଟ ଲଷ୍ମୀ ନାରାୟଣ

ଜଗନ୍ନାଥ ପ୍ରଭୁ ରସ ଗୋଲା ଖୋଇ

   କରନ୍ତି ମାନ ଭଞ୍ଜନ l୧୨l