ଗୁରୁ

"ଗୁରୁ ବ୍ରହ୍ମା ଗୁରୁ ଵିଷ୍ଣୁ ଗୁରୁ ଦେବୋ ମହେଶ୍ୱରଃ          

ଗୁରଃ ସାକ୍ଷାତ ପରଂ ବ୍ରହ୍ମ, ତସ୍ମେ ଶ୍ରୀ ଗୁରୁ ବେ ନମଃ !"  

ଜ୍ଞାନର ନେତ୍ର ଖୋଲି ଦିଅନ୍ତି ଗୁରୁ                 

ଶୁଦ୍ଧ, ପବିତ୍ର ବିଚାରକୁ ଦେଇ  !                 

ନିସ୍ଵାର୍ଥପର ଅଟଇ ତାଙ୍କରି ପ୍ରେମ                

ମଂଗଳକାରୀ ଗୁରୁଙ୍କ ଭାବ  !                 

ଗୁରୁ ଗୁରୁଜନ ସଭିଏଁ ଶୁଭାକାଂକ୍ଷୀ ମୋର            

ପୁଣି ପବିତ୍ର ବନ୍ଧନର ଅତୁଟ ସମ୍ପର୍କ !         

ଦେବଦୁତ ସମ ଆଶାତୀତ କଲ୍ୟାଣକାରୀ           

ସର୍ବ ଗୁରୁ ଗୁରୁଜନ ବିଦ୍ୟମାନ ହୃଦୟେ ମୋହରି !       

ଭାବି ନେଲେ ମନେ ମନେ, ହୁଏନା କିଛି ଭି ପୂରଣ       

ଗୁରୁବିନା ନହୁଏ ଜ୍ଞାନର ବିକାଶ !               

ଶ୍ରମ ସାଧନା ଅଧ୍ୟବସାୟ ଗୁରୁ ବିନା               

କଶ୍ମିନ କାଳେ ହୁଏନା ସମ୍ଭବ !                 

 ଅନ୍ତନିହିତ ଶକ୍ତିରେ ଲୁକ୍କାୟିତ                   

ଗୁରୁବିନା ନ ହୋଇବ ସମ୍ଭବ !                 

 ଦୁବରୁ ହେବାକୁ ଦ୍ରୁମ                        

ଗୁରୁଙ୍କ ଥାଏ ବହୁତ ଶ୍ରମ  !                    

ଶକ୍ତି, ପୂର୍ତ୍ତି, ଜ୍ଞାନର ଉତ୍ସ ଗୁରୁ                    

ଗୁରୁଙ୍କ ବିନା ନ ପାଇବ ଦିଗଦର୍ଶନ !              

ଗୁରୁ ଶିଷ୍ୟ ପରମ୍ପରାର ଇତିହାସେ                

ଅରୁଣି, ଏକଲବ୍ୟ ଭଳି ଶିଷ୍ୟର ଜନମ !