ଲାଇବ୍ରେରୀ
ପ୍ରୋଫାଇଲ୍
ସୁଖ-ଦୁଃଖ
ସୁଖ-ଦୁଃଖ
1 min
542
ସୁଖ ଗୋଟିଏ ବୟସ ରଙ୍ଗ ବ୍ୟଞ୍ଜନେ ଭାବର ଲବଣ ଉପାଦାନ
ଦୁଃଖ ବଡ଼ବଡ଼ିଆ ଭୋଜିର ବଳକା ଖାଦ୍ୟରେ ଭୋକିଲାର ମନ
ସୁଖ ଏକ ପଥର ସମ୍ମୁଖେ ବସି ବିନା ମାଗୁଣିରେ ଅଶ୍ରୁଜଳ ଦାନ
ଦୁଃଖ ପରା ଧନୀ ମନ୍ଦିରରେ ରତ୍ନପଥର ଦାନ ଦେଇ ଗର୍ବମାନ
ସୁଖ ତୁମପାଇଁ କିଏ ଦୂରେ ଥାଇ କରେ ମନେ ଶୁଭମଙ୍ଗଳ ଗାନ
ଦୁଃଖ ହାତଯୋଡ଼ି ପାଦେପଡ଼େ ସ୍ୱାର୍ଥ ଭୟ ଅବା ଦୁର୍ବଳ କାରଣ
ସୁଖ ସତ୍ୟ ଅର୍ଜିତ ଧନେ ଅଳପରେ ବିତି ଯାଉଥିବା ଦୀନ ଜୀବନ
ଦୁଃଖ କଳାଟଙ୍କାର ଚାଦର ଘୋଡାଇ ମନ୍ଦିର ତୋଳି ପୂଣ୍ୟ ସପନ
ସୁଖ ଏକ ପଥ ଯେଉଁ ପଥେ ଭାଇ କେମିତି ଅଛର ହସ ସମ୍ବୋଧନ
ଦୁଃଖ ପରା ପଛେ କଥନ ସେହି ଲୋକଟିର ସହରେ ଭାରି ସମ୍ମାନ
ସୁଖ ପରା ବଞ୍ଚିବା ମିଥ୍ଯାଠୁ ଦୂରେଇ ମନେ ରଖି ସରଳତା ସ୍ୱାଭିମାନ
ଦୁଃଖ ଜାଣ ବିଜୁଳି ଚୋରି କରି ଛକରେ ଦେଖାନ୍ତି କାର୍ ଏସିର ଜ୍ଞାନ
ସୁଖ ନିଜ ସାମର୍ଥ୍ୟରେ ଅସହାୟର ସମସ୍ୟାର ସ୍ୱଳ୍ପ ହେଉ ସମାଧାନ
ଦୁଃଖ ବୁଲେଟରେ ରାସନ ଚାଉଳ ଆଣି ସେଇଠି ଗରୀବକୁ ଅପମାନ।
