ଆମ ଉତ୍କଳର ଜଗନ୍ନାଥ ଧାମ
ଆମ ଉତ୍କଳର ଜଗନ୍ନାଥ ଧାମ


ଆମ ଉତ୍କଳର ଜଗନ୍ନାଥ ଧାମ
ପୁରୀ ନାମେ ପରିଚିତ
କୋଟି ବ୍ରହ୍ମାଣ୍ଡର ପ୍ରଭୁ ଜଗନ୍ନାଥ
ସେ ଧାମରେ ବିରାଜିତ ।
ଚୋଳଗଙ୍ଗ ବେଳେ ଶ୍ରୀମନ୍ଦିର କାର୍ଯ୍ୟ
ରହିଗଲା ଅସମ୍ପୂର୍ଣ୍ଣ
ଅନଙ୍ଗଭୀମଙ୍କ ରାଜତ୍ଵ କାଳରେ
ହେଲା ତାହା ପରିପୂର୍ଣ୍ଣ ।
ପ୍ରଭୂ ସ୍ଵପ୍ନାଦେଶେ ଚ଼ର୍ତୁଦ୍ଧାମୂରତି
ଗଢ଼ାଇଲେ ଇନ୍ଦ୍ରଦ୍ୟୁମ୍ନ
ବଡ ଦେଉଳରେ କରିଲେ ସ୍ଥାପନ
ସେବା ପୂଜା ଆୟୋଜନ ।
ଛପନ ପ୍ରକାର ଷାଠିଏ ପଉଟି
ଭୋଗକଲେ ସମର୍ପଣ
ପୁଣ୍ୟ ମହୋଦଧି ତଟେ ଶ୍ରୀମନ୍ଦିର
ହେଲା ମୁଖ୍ୟ ଆକର୍ଷଣ ।
ଆଷ
ାଢ଼ ମାସର ଶୁକ୍ଳ ଦ୍ଵିତୀୟାରେ
ପ୍ରତିବର୍ଷ ରଥ ଯାତ
ପତିତ ଜନଙ୍କୁ ଉଦ୍ଧାରିବା ପାଇଁ
ରଥେ ପ୍ରଭୁ ଅଧିଷ୍ଠିତ ।
ସବୁଠାରୁ ବଡ଼ ହୋଟେଲ ବିଶ୍ଵର
ପୁରୀ ଆନନ୍ଦ ବଜାର
ଉଚ୍ଚନୀଚ଼ କିଛି ନାହିଁ ଭେଦଭାବ
ସର୍ବେ ସେଠି ଏକାକାର ।
ମୁକ୍ତିପଥ ବୋଲି ଲଭିଅଛି ଖ୍ୟାତି
ଶ୍ରୀକ୍ଷେତ୍ରର ସ୍ଵର୍ଗଦ୍ଵାର
ମୃତ୍ୟୁ ପରେ ଯା'ର ଚିତାଜଳେ ସେଠି
ନାହିଁ ପୁର୍ନଜନ୍ମ ତା'ର ।
ପୁଣ୍ୟଭୂମି ଆମ ଭାରତବର୍ଷର
ଚାରିଦିଗେ ଚାରିଧାମ
ତାମଧ୍ୟେ ପ୍ରସିଦ୍ଧ ଆମ ଉତ୍କଳର
ପୁରୀ ଜଗନ୍ନାଥ ଧାମ ।