ଗୁପ୍ତ ପୁସ୍ତକ

ଥିଲି ଦିନେ ମୁହିଁ ଖବରକାଗଜ

ସମ ଖୋଲା ଫର୍ଦ୍ଦଟିଏ

ଉନ୍ମୁକ୍ତ ପ୍ରଶସ୍ତ ବିସ୍ତାରିତ

ବହୁ ଉପାଦେୟ ତଥ୍ୟ ସମ୍ବଳିତ

ଦେଶ ବିଦେଶର ଛୋଟ ବଡ

ଘଟଣାବଳୀରେ ସମୃଦ୍ଧ ମୋର

ରଙ୍ଗ ବେରଙ୍ଗୀ କଳେବର

ସଂସ୍କରଣ ବହୁଳ ପ୍ରସାରିତ

ଅଥଚ ଆକର୍ଷଣ ସୀମିତ

ମାତ୍ର ଗୋଟିଏ ଦିନର ଆୟୁଷ

ଆର ଦିନକୁ ଅପାଙ୍କ୍ତେୟ ବର୍ଜିତ!!!

ସମୟ ନଦୀର ପ୍ରତିକୂଳ ସ୍ରୋତ

ସଜାଇ ଦେଇଛି ଆଜି ମୋତେ

ଏକ ଆବଦ୍ଧ ନିଷିଦ୍ଧ ଗୁପ୍ତ ପୁସ୍ତକ

ଯହିଁ ନାନା ରହସ୍ୟ ସଂଗୋପିତ

ରୋମାଞ୍ଚ ଭରା କାହାଣୀ ସନ୍ନିହିତ

ସର୍ବସାଧାରଣ ଦୃଷ୍ଟିରୁ ବଞ୍ଚିତ

ସଭିଏଁ ଚାହାଁନ୍ତି କରିବାକୁ ହସ୍ତଗତ

ମାତ୍ର ଆମର ଦୂରତ୍ବ ଅପହଞ୍ଚ

କାଳଜୟୀ ଅମର ମୋର ଆକର୍ଷଣ

ସୀମିତ ଅଥଚ ଗୁଣମୁଗ୍ଧ ପାଠକ

ହୃଦୟରେ ଚିରକାଳ ସଯତ୍ନେ ସଂରକ୍ଷିତ!!!

#ସିଧାକଥା