ଗ୍ରାଫ..

ଏଠି ଶବ୍ଦର ଶିକୁଳିରେ 

ବନ୍ଧା ଅର୍ଥର ସ୍ତବକ..

ଶବ୍ଦର ପ୍ରହେଳିରେ

ରୂନ୍ଧା ସ୍ୱପ୍ନର ମୂଲକ..!

ଏ ଶବ୍ଦର ସୃଜନୀରେ 

ବୁଡି ଗଲେ ଥରେ,

ଭାଷା ଓ ଭାବରେ ଭରେ 

ଅନେକ ଅର୍ଥର ବୋଧକ,

ଶବ୍ଦର କୁହେଳିରେ ଏଠି 

ଭିଜି ଗଲେ ଥରେ, ସେ 

ଭାବ ଓ ଲୟରେ ସାଜେ

ଗୁଢ ଅର୍ଥର ସଂକେତ..!

ଭାଷାର ପରିଧିରେ କେବେ 

ପାରି ହେଲେ ଥରେ,

ଶବ୍ଦ ସଂଯୋଜନୀ ସାଜେ 

ଅଥଳ ଗଭୀର ସମୁଦ୍ର,

ଶବ୍ଦ ନିକ୍ୱଣରେ ଝୁମି ଗଲେ

ଥରେ,ସେ ଶବ୍ଦ ଭେଦରେ

ସାଜେ ଅସୀମ ଆକାଶ..!

ଏଠି ରାସ୍ତା ବି ତ ଏକ,

ଥାଏ ମୋଡ଼ ଯେ ଅନେକ,

ଏଠି ପଥ ବି ତ ଏକ,

ହେଲେ ପନ୍ଥା ଅନେକ,

ଥାଉ ଯେତେ କଣ୍ଟା ଫୁଲ,

ଥରେ ଫୁଟି କି ତ ଦେଖ୍,

ଫୁଲ ହେଉ ପ୍ରସ୍ଫୁଟିତ,

ଥରେ ଚାଲିବା ତ ଶିଖ୍,

ରାସ୍ତା ହେଉ କୁସୁମିତ,

ଥାଉ ବାସ୍ତବତାର ସ୍କେଚ,

ଆଂକୁ ହୃଦୟରେ ଗ୍ରାଫ..!