ଗୋଲାପି ଚିଠି
ଗୋଲାପି ଚିଠି
ଗୋଲାପ ଓଠର ଭାଷାକୁ
ଗୋଲାପି ଚିଠିରେ ସଜେଇ
ଲେଖିଛା ଚିଠିଟି ପ୍ରିୟା ମୋ'
ମନକୁ ମଜେଇ-
ପ୍ରେମରେ ଭିଜେଇ-
ଚିଠି ପଢି ତା'ର....
ପାରୁନି ମନକୁ ବୁଝେଇ ।
ମନ ମହକରେ ବାସେ,
ତା' ହାତ ଲେଖା ଚିଠିଟି
ଜାଦୁ ଝର କଲମରେ
ଲେଖିଛି ସେ ଛୋଟ ଚିଠିଟି
ଭାଷାର କାଉଁରୀ ଛୁଆଁ-
ଥରେଇ ଦେଉଛି ହିଆ -
ରହି ମୁଁ ପାରୁନି ପ୍ରିୟା.....
ତୁମକୁ ଦୁରେଇ ଦେଇ।
ଅଳପ କଥାରେ ତୁମେ
କେତେ କଥା ଲେଖିଛ ।
ବିରହର ଜଉଘରେ
ତିଳ ତିଳ କରି ଜାଳୁଛ ।
ପାରୁନାହିଁ ଆଉ ସହି-
ତୁମକୁ ଦୁରେଇ ଦେଇ-
ପରଦେଶେ ଝୁରେ ମନ...
ମାନସୀ ମୋ' ମାନମୟୀ ।