ଗୋଲାପ

ଗୀତି କବିତା 

ମନ ବଗିଚାରୁ ଗୋଲାପଟି ତୋଳି ଗଭାରେ ଦିଅ ହେ ପ୍ରିୟ,

ତୁମରି ହସରୁ ରଙ୍ଗ ଟିକେ ନେଇ ମୋ ଓଠରେ ବୋଳିଦିଅ |(ଘୋଷା)

ମୋ ଦୁଇ ନୟନେ ଭରିଛି ସପନ,

ପୁଲକିତ ହୁଏ ମୋର ତନୁ-ମନ |

ଭୁଲିଛି ଦୁନିଆ ସବୁଦିନ ପାଇଁ ନୂଆପଥେ ଘେନିଯାଅ |

ମନ ବଗିଚାରୁ ଗୋଲାପଟି ତୋଳି ଗଭାରେ ଦିଅ ହେ ପ୍ରିୟ,

ତୁମରି ହସରୁ ରଙ୍ଗ ଟିକେ ନେଇ ମୋ ଓଠରେ ବୋଳିଦିଅ | (1)

ଚଞ୍ଚଳ କରାଅ ପାଦକୁ ମୋହର,

ନାଚିବି ମୁଁ ତାଳେ ତାଳେ ନୂପୁରର |

ମୋ ମନବୀଣାର ତନ୍ତ୍ରୀ ଦୋହଲାଇ ନୂଆସୁର ଭରିଦିଅ | 

ମନ ବଗିଚାରୁ ଗୋଲାପଟି ତୋଳି ଗଭାରେ ଦିଅ ହେ ପ୍ରିୟ,

ତୁମରି ହସରୁ ରଙ୍ଗ ଟିକେ ନେଇ ମୋ ଓଠରେ ବୋଳିଦିଅ | (2)