Library
Profile
ଗଜାନନ ବେଶ
ଗଜାନନ ବେଶ
ମାନବୀୟ ଲୀଳା ହେଉଛି ପ୍ରକଟ
ମର୍ତ୍ତ୍ୟ ବୈକୁଣ୍ଠ ରେ ରହି
ଇଛାମୟ ପ୍ରଭୁ ନିଳାଦ୍ରୀ ବିହାରୀ
ମହିମା ପାରିବ କେ କହି
ବାରମାସ ଯାକ ଯାତରା ହେଉଛି
ଭିନ୍ନ ଭିନ୍ନ ବେଶ ହୁଏ ll
ଗଜାନନ ବେଶ ବଡ ମନୋହର
ଯିଏ ଦେଖେ ଧନ୍ୟ ହୁଏ
ସ୍ନାନ ପୂର୍ଣ୍ଣିମା ରେ ଗଜାନନ ବେଶ
କିମ୍ବଦନ୍ତୀ ଅଛି ଭଲେ
ଏକ ଗଣପତି ଭକ୍ତ ମନୋରଥ ପାଇଁ
ଗଜାନନ ବେଶ ହେଲେ ll
ଗଣପତି ଭଟ୍ଟ ନାମେ ଏକ ଭକ୍ତ
ଶ୍ରୀକ୍ଷେତ୍ରକୁ ଆସିଥିଲେ
ଗଣପତି ହିଁ ବ୍ରହ୍ମ ସ୍ବରୂପ ଠାକୁର
ହୃଦରେ ନିଶ୍ଚିତ ଥିଲେ
ଦାରୁ ଦେବତାଙ୍କୁ ସ୍ନାନ ମଣ୍ଡପରେ
କଲେ ଯେବେ ଦରଶନ ll
ଗଣପତି ରୂପ ନ ଦେଖି ଫେରିଲେ
ଶୋ
କାକୁଳ ଥିଲା ମନ
ଅନ୍ତର୍ଯ୍ୟାମୀ ପ୍ରଭୁ ଭକ୍ତ ଭାବ ଜାଣି
କହିଲେ ଶୁନ୍ୟ ବାଣୀରେ
ଗଣପତି ରୂପ ଦେଖିବ ନିଶ୍ଚୟ ll
ସ୍ନାନ ବେଦୀ ର ଉପରେ
ଲେଉଟି ଦେଖିଲେ ଗଣପତି ଭଟ୍ଟ
ପ୍ରଭୁ ଗଜାନନ ବେଶ
ଶ୍ରୀ ଚରଣରେ ମଥା ଗଲା ନଇଁ
ମନେ ଲଭିଲେ ସନ୍ତୋଷ ll
ଧନ୍ୟ ଭାବଗ୍ରାହୀ ଭକତ ବାନ୍ଧବ
ଗଣପତି ଭଟ୍ଟ ଧନ୍ୟ
ଯୁଗ ଯୁଗ ଧରି ରହିଛି ବିଧାନ
ହୁଏ ବେଶ ଗଜାନନ
ଜ୍ୟେଷ୍ଠ ପୂର୍ଣ୍ଣିମାରେ ଦେବସ୍ନାନ ନୀତି
ପୁଣି ଗଜାନନ ବେଶ ll
ଭାଗ୍ୟ ଥିଲେ ସେହି ଦର୍ଶନ ମିଳିବ
ତନ ମନ ହେବ ତୋଷ
ଏତେ ଭକ୍ତି ଭାବ ନାହିଁ ମୋର ପ୍ରଭୁ
ମିଛ ମାୟାରେ ଭ୍ରମୁଛି
ତୁମ୍ଭ ଦରଶନ ଲୋଡ଼େ ଏ ନୟନ
ଏହି ଭିକ୍ଷା ମାଗୁଅଛି ll
