ଲାଇବ୍ରେରୀ
ପ୍ରୋଫାଇଲ୍
ଭାଗବତରେ ରାଜା ବେଣ
ଭାଗବତରେ ରାଜା ବେଣ
ଧ୍ରୁବ ବଂଶଧର ଅଙ୍ଗ ଥିଲେ ପ୍ରାୟ
ସ୍ୱଭାବେ ଧାର୍ମିକ ରାଜା
ରାଜ୍ୟ ଶାସନରେ ସତ୍ୟ ଧର୍ମ ନ୍ୟାୟ
ସୁଖେ ଥିଲେ ସାରା ପ୍ରଜା
ପୁତ୍ର ବିନା ଯଜ୍ଞ ହୋମ ନିରର୍ଥକ
କ୍ରମେ ହେଲେ ଅବଗତ
ପୂତ୍ରେଷ୍ଟି ଯଜ୍ଞର ଆୟୋଜନ ବଳେ
ଜନ୍ମ ହେଲା ଏକ ପୁତ୍ର
ବେଣ ନାମେ ପୁତ୍ର ହୋଇଲା ନାମିତ
ଖୁସି ରାଜ ନଅରରେ
ଖୁସି କିନ୍ତୁ କ୍ରମେ ହେଲା ଦୂରୀଭୂତ
ପୁତ୍ରର ଦୁଷ୍ଟାମୀ ଧାରେ
ଅମଣିଷ ସମ କାର୍ଯ୍ୟକଳାପ ରେ
ଲିପ୍ତ ରହି ପୁତ୍ର ବେଣ
ହିଂସା ବ୍ୟଭିଚାର ଅଧର୍ମ ବ୍ୟାପାର
ସବୁ କିଛି ହୀନ ଗୁଣ
ଅନେକ ବୁଝାଇ କହିଲେ ପୁତ୍ରକୁ
ଆଉ କୁକର୍ମ ନ କର
ତଥାପି ପୁତ୍ରର ପାପ କାର୍ଯ୍ୟ ଧାରା
ଅଧିକ ହେଲା ବିସ୍ତାର
ସବୁକିଛି ପରିତ୍ୟାଗ ବାଞ୍ଛନୀୟ
ଚିନ୍ତା କରି ହୃଦୟରେ
ବନକୁ ଗମନ କରିଲେ ରାଜନ
ତପ ସାଧନ ଅର୍ଥରେ
ରାଜ ସିଂହାସନ ଅକ୍ତିଆର ପରେ
ବେଣ ରାଜା ଆସନରେ
ନିଜକୁ ଈଶ୍ୱର ମାନ୍ୟତା ସ୍ୱରୂପ
ନିର୍ଦ୍ଦେଶ ନାମା ରାଜ୍ୟରେ
ହୋମ ଯଜ୍ଞ ପୂଜା ଆରାଧନା ସବୁ
ବାରଣ ହେଲା ରାଜ୍ୟରେ
ରାଜା ହିଁ ଈଶ୍ୱର ,ସର୍ବ ଶକ୍ତିମାନ
ପାଳନ ହେଉ ବିଧିରେ
ମୁନି ଋଷି ଜ୍ଞାନୀ ପଣ୍ଡିତ ବ୍ରାହ୍ମଣ
ବୁଝାଇ କହିଲେ ଧିରେ
ପାପ ଚିନ୍ତା ଧାରା ଦୂର ହେଉ କ୍ରମେ
ଧର୍ମ ରହୁ ସଂସାରରେ ନରାଧମ ରାଜା ଭାବେ ଗଣା ବେଣ
ଦିନକୁ ଦିନ ପ୍ରବଳ
ନିଜର କୁକର୍ମ ଅତ୍ୟାଚାର ବଳେ
ପ୍ରମାଦ ପ୍ରଜା ସକଳ
ଧର୍ମ ରକ୍ଷା ଅର୍ଥେ ମୁନି ଋଷି ଗଣ
ହୁଁ କାର ଧ୍ଵନି ବଳରେ
ବେଣ ରାଜନ କୁ କରିଲେ ବିନାଶ
ଶାନ୍ତି ବିରାଜିଲା ଧିରେ
ମୃତ ଶରୀର କୁ ସରଂକ୍ଷିତ ଧାରେ
ରଖି ଥିଲେ ବେଣ ମାତା
ରାଜା ବିନା ବହୁ ଦିନ ଧରି ରାଜ୍ୟ
କ୍ରମେ ହେଲା ଉପେକ୍ଷିତା
ଯେବେ ମୃତ ବେଣ ବାମ ଜଙ୍ଘ ଧିରେ
ମୁନିଙ୍କ ଦ୍ଵାରା ମନ୍ଥନ
କଦାକାର ରୂପେ ପୁତ୍ର ହେଲା ଜାତ
ନିଷାଦ ନାମେ ବର୍ଣ୍ଣନ
ପୁଣି ବାମ ଜଂଘ ମନ୍ଥନ ହୋଇଲା
ଜନ୍ମିଲା କନ୍ୟା ଓ ପୁତ୍ର
ସେହି ପୁତ୍ର ପୃଥୁ ନାମ ବହି କ୍ରମେ
ଧର୍ମ କଲେ ସଂସ୍ଥାପିତ
ଭାଗବତ ଧାରେ ଏ ବେଣ ଚରିତ
ସଂକ୍ଷିପ୍ତ ରୂପେ ବର୍ଣ୍ଣନ
ଭାଗବତ ବାଣୀ ଆଧାରରେ ଶିକ୍ଷା
ହେଉ ସଭିଙ୍କ ଗ୍ରହଣ
