ଗୀତି କବିତା- ୯୧

ତୁମକୁ ମୁହିଁ ଭଲ ପାଇଛି ଏବେ ବି ଭଲ ପାଉଛି,

ସାରା ଜୀବନ ଭଲ ପାଇବି ତୁମକୁ କଥା ଦେଉଛି | (ଘୋଷା)

ବାଟରେ କେତେ କଣ୍ଟା ପଡ଼ିଛି ଆହୁରି କଣ୍ଟା ପଡ଼ିବ,

ଆମ ସାହିରେ ନିଆଁ ଲାଗିଛି ଆହୁରି ନିଆଁ ଜଳିବ |

କଣ୍ଟାରେ ପଡ଼ି ନିଆଁରେ ପୋଡ଼ି ତୁମର ହେଇ ଯାଇଛି |

ତୁମକୁ ମୁହିଁ ଭଲ ପାଇଛି ଏବେ ବି ଭଲ ପାଉଛି,

ସାରା ଜୀବନ ଭଲ ପାଇବି ତୁମକୁ କଥା ଦେଉଛି |(1)

ମୋ ପାଇଁ କେତେ ଲାଗିଛି ଗୋଳ ଆହୁରି ଗୋଳ ଲାଗିବ,

କେତେ ଯାତନା ଭୋଗିଛ ତୁମେ ଆହୁରି କେତେ ଭୋଗିବ |

ତଥାପି ଆମ ପ୍ରେମ ଅମର କହୁ ଯେ ଯାହା କହୁଛି |

ତୁମକୁ ମୁହିଁ ଭଲ ପାଇଛି ଏବେ ବି ଭଲ ପାଉଛି,

ସାରା ଜୀବନ ଭଲ ପାଇବି ତୁମକୁ କଥା ଦେଉଛି | |(2)