ଘେନ ଆମ ଅଭିନନ୍ଦନ

ହେ ଅତିଥି ବନ୍ଧୁ,ତୁମ ପଦ ବନ୍ଦୁ

ଘେନ ଆମ ଅଭିନନ୍ଦନ ,

ହୋଇ ହରଷିତ, କରୁଛୁ ସ୍ୱାଗତ

ଦେଇଟି କୁସୁମ,ଚନ୍ଦନ ।

ଘେନ ଆମ ଅଭିନନ୍ଦନ....

ତୁମେ ଏ ମାଟିର ସୁଯୋଗ୍ୟ ଦାୟାଦ ,

ପାଶେ ପାଇ ଆମେ ହେଉଛୁ ଆନନ୍ଦ।

ଆମେ କୁନି କୁନି ଶିଶୁ ଏ ମାଟିର ,

ବଡ଼ ହୋଇ ଟେକ ରଖିବୁ ଜାତିର ।

ତୁମ ଶୁଭାଶିଷ-ପାଇବାକୁ ଆଶ

କର ସ୍ନେହ ଡୋରେ ବନ୍ଧନ ।

ଘେନ ଆମ ଅଭିନନ୍ଦନ.....

ହେ ଅତିଥି ବନ୍ଧୁ,ତୁମ ପଦ ବନ୍ଦୁ

ଘେନ ଆମ ଅଭିନନ୍ଦନ ।

ସୁଭାଷ,ଶାସ୍ତ୍ରୀଜୀ, ଭଗତ-କାଲାମ ,

ଜନମି ଏ ଦେଶେ ରଖିଗଲେ ନାମ ।

ମାଳତୀ ଚୌଧୁରୀ-କୁନ୍ତଳା କୁମାରୀ ,

ରମା ଦେବୀ ହେଲେ ମହୀୟସୀ ନାରୀ ।

ବତାଅ ହେ ବାଟ-ପଢ଼ି ଭଲ ପାଠ

ହେବୁ ଯେହ୍ନେ ବିଶ୍ବ ବନ୍ଦନ ।

ଘେନ ଆମ ଅଭିନନ୍ଦନ.....

ହେ ଅତିଥି ବନ୍ଧୁ,ତୁମ ପଦ ବନ୍ଦୁ

ଘେନ ଆମ ଅଭିନନ୍ଦନ ।

ହୋଇ ହରଷିତ,କରୁଛୁ ସ୍ୱାଗତ

ଦେଇଟି କୁସୁମ,ଚନ୍ଦନ ।

ଘେନ ଆମ ଅଭିନନ୍ଦନ....

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।