ଘାସର ଲୁହ

ମୁଁ ଘାସ ଟିଏ ପରା

ଧରଣୀ କୁ କରେ ସବୁଜିମା ଭରା

ବୁକୁମୋ ଭିଜାଏ ଲୁହ ବାରିଧାରା 

ଜୀବନ ଟା ସାରା ଲୁହର ଅସରା

ମୁଁ ଘାସ ଟିଏ ପରା । 

ମୋଠାରୁ ଜନ୍ମ କେତେ ମହୌଷଧି

ସେଥିପାଇଁ ମୋତେ ଗଢଥିଲା ବିଧି

ମୋ ଲାଗି ସୁନ୍ଦର ଦିସେ ବସୁନ୍ଧରା

ମୁଁ ଘାସ ଟିଏ ପରା । 

ମୋ ଗର୍ଭରୁ ଜନ୍ମ ହୋଇଥାଏ ପୁଷ୍ପ

ସେବାରେ ନଲାଗେ ହୁଏ ସେ ନିଷ୍ପ୍ରଭ

ତାତ୍ସଲ୍ଯ କରନ୍ତି ବନଲତା ପରା

 ମୁଁ ଘାସ ଟିଏ ପରା ।

ଶାକାହାରୀ ପ୍ରାଣୀ ଭକ୍ଷଣ କରନ୍ତି

ମୋତେ ଆଶ୍ରା କରି ଜୀବନ ଧରନ୍ତି

ଢ଼ାଳି ଦେଇ ଥାନ୍ତି ଅମୃତର ଧାରା

ମୁଁ ଘାସ ଟିଏ ପରା ।

ଲଙ୍ଗଳ ମୁନରେ ହୋଇଛି ଘୋଷାଡ଼ି

ଚାଷୀ ନେଇଯାଏ ମୋତେ ଝାଡ଼ି ଝୁଡି

ଖରାରେ ଶୁଖାଇ ଜାଳି ଦିଏ ପରା

ମୁଁ ଘାସ ଟିଏ ପରା ।

ପ୍ରାଣି ଜଗତର ପାଦ ତାଳେପଡି

ହୋଇ ଥାଏ ମୁଁହି କେତେ ନିଉଛାଳି

ମୋ ଅନ୍ତେ ମୃତିକା କ୍ଷୟ ହେବେ ପରା

ମୁଁ ଘାସ ଟିଏ ପରା ।

 ମଣିଷ ସମାଜ ଅତି ସ୍ୱାର୍ଥପର

 ତାଙ୍କ ପାଇଁ କରେ କେତେ ଉପକାର 

 ମୋର ଉତ୍ପାଟନେ ପରିଷ୍କାର ଧରା

 ମୁଁ ଘାସ ଟିଏ ପରା ।