Library
Profile
ଗଛରୁ ଓଷଦ
ଗଛରୁ ଓଷଦ
ପରିବେଶ ପାଇଁ ଗଛ ଗୋ
ଫୁଲ ବଉଳବେଣୀ
ନୋହିଲେ ଜୀବନ ତୁଚ୍ଛ ଗୋ
ଫୁଲ ବଉଳବେଣୀ
ଅମ୍ଳଜାନ ଦିଏ ଜୀବନ ବଞ୍ଚାଏ
ଚାରିଆଡେ ଲଗା ଗଛ ଗୋ
ଫୁଲ ବଉଳବେଣୀ ll
ତୁଳସୀ ଗଛର ପତ୍ର ଗୋ
ଫୁଲ ବଉଳବେଣୀ
ସଭିଙ୍କର ସେହୁ ମିତ୍ର ଗୋ
ଫୁଲ ବଉଳବେଣୀ
ନିତି ପୂଜା କରି ଦୁଇଟା ଖାଇଲେ
ଥଣ୍ଡା କାଶ ହୁଏ ହତ ଗୋ
ଫୁଲ ବଉଳବେଣୀ ll
ବେଲ ପତ୍ର ଆଣ ତୋଳି ଗୋ
ଫୁଲ ବଉଳବେଣୀ
ସ୍ୱାସ୍ଥର ଅଟଇ ଶିରୀ ଗୋ
ଫୁଲ ବଉଳବେଣୀ
ମରିଚ ମିଶାଇ ନିତି ଖାଉଥିଲେ
ପେଟ ଦୋଷ ଯାଏ ହରି ଗୋ
ଫୁଲ ବଉଳବେଣୀ ll
ଲେଉଟିଆ ଶାଗ ଭଜା ଗୋ
ଫୁଲ ବଉଳବେଣୀ
ଓଡ଼ିଆ ପଖାଳେ ଖୋଜା ଗୋ
ଫୁଲ ବଉଳବେଣୀ
ଶାଗଙ୍କ ମଧ୍ୟରେ ସାର ଅଟେ ସିଏ
ପୃଷ୍ଟି ଦେବାରେ ତ ରାଜା ଗୋ
ଫୁଲ ବଉଳବେଣୀ ll
ଭୃସଙ୍ଗ ପତ୍ରର ଗୁଣ ଗୋ
ଫୁଲ ବଉଳବେଣୀ
କେହି ନୁହେଁ ତାର ସମ ଗୋ
ଫୁଲ ବଉଳବେଣୀ
ନିତି ଖାଉଥିଲେ ଖାଲି ପେଟେ ତାକୁ
ବହୁ ମୂତ୍ରର ସେ ଯମ ଗୋ
ଫୁଲ ବଉଳବେଣୀ ll
ଅଳସି ମଞ୍ଜିର ତେଲ ଗୋ
ଫୁଲ ବଉଳବେଣୀ
ବଇଦ ସାଙ୍ଗରେ ଗେଲ ଗୋ
ଫୁଲ ବଉଳବେଣୀ
ନିତି କରୁଥିଲେ ରୋଷେଇ ସେଥିରେ
ଉଚ୍ଚ ରକ୍ତଚାପ ଦୂର ଗୋ
ଫୁଲ ବଉଳ ବେଣୀ ll
ଜାମୁକୋଳି ଗଛ ମଞ୍ଜି ଗୋ
ଫୁଲ ବଉଳବେଣୀ
ଆଣ ଜ୍ୟେଷ୍ଠ ମାସେ ଖୋଜି ଗୋ
ଫୁଲ ବଉଳବେଣୀ
ଚୁନା କରି ତାକୁ ଚାମଚେ ଖାଇଲେ
ବହୁମୂତ୍ର ଯିବ ହଜି ଗୋ
ଫୁଲ ବଉଳବେଣୀ ll
ଲିମ୍ବ ଗଛ ପତ୍ର ପିତା ଗୋ
ଫୁଲ ବଉଳବେଣୀ
ଦେହକୁ ଅଟଇ ହିତା ଗୋ
ଫୁଲ ବଉଳବେଣୀ
ଚର୍ମ ରୋଗ ଆଉ ବହୁମୂତ୍ର ରୋଗୁଁ
ଖାଇଲେ ହୁଅନ୍ତି ଜିତା ଗୋ
ଫୁଲ ବଉଳ ବେଣୀ ll
ତୋଳି ଆଣ ବ୍ରାହ୍ମୀ ଶାଗ ଗୋ
ଫୁଲ ବଉଳବେଣୀ
ଗୁଆ ଘିଏ ଭାଜ ଆଗ ଗୋ
ଫୁଲ ବଉଳବେଣୀ
ପତରେ ପତରେ ପରଷି ଦେବା ଗୋ
ଧିଶକ୍ତି ହେବ ପୂର୍ଣ୍ଣାଙ୍ଗ ଗୋ
ଫୁଲ ବଉଳବେଣୀ ll
