ଗାନ୍ଧୀବାଦ ଆଜି କବର ତଳେ

ପଞ୍ଚସ୍ତୋରୀତମ  ସ୍ୱାଧୀନତା ବର୍ଷ

  ହୋଇଅଛି ପଦାର୍ପଣ

ଭାବିଲେ ଲାଗଇ ଅତ୍ୟନ୍ତ ବିଷାଦ

   ସନ୍ତାପିତ ହୁଏ ମନ ।

ସ୍ୱରାଜ୍ୟ ସ୍ୱପନ  ହୋଇନାହିଁ ପୂର୍ଣ୍ଣ

   ନାଗରିକ ଅଧିକାର 

ପ୍ରତିଟି କ୍ଷେତ୍ରରେ  ଜନ ଉପେକ୍ଷିତ

   ବଢେ ହି°ସା ବଳାତ୍କାର ।

ଶିକ୍ଷା ବାସଗୃହ  ସ୍ୱାସ୍ଥ୍ୟ ଭିତ୍ତିଭୂମି

   ଜନସେବା ସହଯୋଗ

ପାଲଟିଛି ସବୁ  ମିଛ ଆଖିଠାର

   ବ୍ୟବସାୟ ଲାଭପ୍ରଦ ।

ବଢୁନାହିଁ କର୍ମ  ନିୟୋଜନ କ୍ଷେତ୍ର

   କୃଷିଦ୍ରବ୍ୟ ଉତ୍ପାଦନ

ବୃଦ୍ଧି ପାଉଛନ୍ତି  ଶିକ୍ଷିତ ବେକାର

   ବିମୁଖ ଶ୍ରମ ନିର୍ଦ୍ଧନ ।

ବାଡ଼ ଜଗୁନାହିଁ  ଖେତର ଫସଲ

   ପ୍ରଶାସନ ଅବିଶ୍ୱସ୍ତ

ରାତାରାତି ଭଣ୍ଡ  ହୁଏ ପୁଞ୍ଜିପତି

   ପ୍ରବଞ୍ଚକ ସୁବିଖ୍ୟାତ ।

ଗ୍ରାମ୍ୟ ଅର୍ଥନୀତି  ଆତ୍ମନିର୍ଭରତା

  ସାର୍ବଭୈ।ମ ସ୍ୱାଭିମାନ

ବହୁଦୂର ଦିଶେ  ଜନତା ନିକଟୁ

   ପ୍ରାପ୍ତି ମରୀଚିକା ସମ ।

ଅନୀତି ଦୁର୍ନୀତି  ଦେଶୀ ଓ ବିଦେଶୀ

   ନିଶା ସୁଲଭତା ଦେଖି

ଲଜ୍ଜିତ ମହାତ୍ମା  ଜାତିର ଜନକ

   ମୁହଁ ପାରିବେକି ଟେକି ।

ଗାନ୍ଧୀବାଦ ଆଜି  କବରର ତଳେ

  ନୀରବେ ଗୁମୁରି କାନ୍ଦେ

ଜାଗ ମୋ ଭାରତ ପ୍ରିୟ ଦେଶବାସୀ

   ଜୟହିନ୍ଦ ବିଶ୍ୱ ବନ୍ଦେ ।