ଏତେ ଲୋଭ ମୋହ କାଇଁ ଦେଲ

ପିଲାଟିଏ ଥିଲି ଭାରି ଭଲ ଥିଲି 

ଏତେ ବଡ ମୋତେ କାଇଁ କଲ ,

ହସି ଖେଳି ବୁଲି ଖୁସିରେ ମୁଁ ଥିଲି 

ସଂସାର ଜଞ୍ଜାଳ କାଇଁ ଦେଲ l 

ହରିଣ ପରି ମୁଁ ଡେଇଁ ବୁଲୁଥିଲି 

ପାଦରେ ମୋ ବେଡି କାଇଁ ଦେଲ ,

ନିଜ ଦେହ ଆଜି ବୋଝ ପରି ଲାଗେ

ଏତେ ରୋଗ ବ୍ୟାଧି କାଇଁ ଦେଲ l 

ଚାଳ ଛପର ମୋ ଭାରି ଭଲ ଥିଲା 

ମୁଣ୍ଡରେ ଛାତ ଟେ କାଇଁ ଦେଲ ,

ପାଣି ଫୋଟକାର ଜୀବନଟେ ଦେଇ

ବିଳାସବ୍ୟସନ କାଇଁ ଦେଲ l

ଜନ୍ମଭୂମି ମୋର କେତେ ଭଲ ଥିଲା

କରମଭୂମିଟେ କାଇଁ ଦେଲ ,

ସମ୍ପର୍କଠୁ ବଳି ପଇସା ଲାଗୁଛି 

ଏତେ ଲୋଭ ,ମୋହ କାଇଁ ଦେଲ l