ଏଲିଏନ୍

ବେଳେ ବେଳେ

ଭାରି ଦୁଖ ଲାଗେ  

ଏଇ ଦୁନିଆର ଆବଭାବ 

ମିଛ ସମ୍ପର୍କର ଅଲଣା ରାବ

ଛଳନାର କୁତ୍ସିତ ଭାବନା

ପ୍ରତିଶୁତି ର ତୁଛା ବାହାନା

ବିଶ୍ବାସ ର କରୁଣ କାନ୍ଦଣା

ହିଂସା ର ବୀଭତ୍ସ ରୂପ

ଇର୍ଷା ର ଅଦୃଶ୍ଯ ଚାପ 

   ଇଛାହୁଏ ପଳାତକ ସାଜିବାକୁ 

   ଏକ ନୁଆ ଦୁନିଆକୁ 

ଏଲିଏନ୍ ସାଥେ ମିତ ବସିବାକୁ

 ସମ୍ପର୍କ ର ଏକ ନିଆରା ପଣିକିଆ 

ଘୋଷେଇବାକୁ 

ଏଲିଏନ୍ ଙ୍କ ମନର ଅଲେଖା ସିଲଟକୁ 

ଅନାବିଳ ପ୍ରିତିର ଖଡି ଛୁଆଁଇବାକୁ

ଦରଦ ଅଭିଧାନ ଧରାଇ

 ଭଲପାଇବାର ବିଶେଷଣସବୁକୁ ବୁଝେଇ ଦେବାକୁ 

 ସତରେ କ'ଣ ମୋ ଭାବନା ଅମଳ ହେବ !

ଏଲିଏନ୍ ସବୁ ଓହ୍ଲାଇ ଆସିବେ

ନୂଆ ସମ୍ପର୍କ ର ପରିଭାଷା ନେଇ

ଉତ୍କର୍ଷ ଜ୍ଞାନ କୌଶଳ ର ବେଭାର ନେଇ

ମୃତ୍ୟୁର ରହସ୍ୟ କୁ ଭେଦ କରି

ଏକ ଆନନ୍ଦ ମୟ ଦୁନିଆ ଗଢିବାରେ

 ଅପେକ୍ଷାରେ ରହିଲି ।