ସମ୍ପର୍କ

ଦୁଇଟି ହୃଦୟ 

ଖୋଜି ବୁଲୁଥାଇ 

     ଅତୀତର କିଛି ପରସ, 

ତୋହରି ପ୍ରୀତିରେ 

ଗଢି ତୋଳିହୁଏ 

      ଆଗାମୀ ଦିନର ଭବିଷ୍ୟ

ସ୍ନେହ କିନ୍ତୁ ତୋର 

ନିଶା ହୋଇଯାଉ 

      ରହିଛି ରହିବି ସେଥିରେ, 

ମମତା ତୋ ପାଇଁ 

ହେଲେ ହେଁ ପିୟୁଷ 

      ଛନ୍ଦି ତୋଳୁଥିବୁ ଛାତିରେ

ସୁଖରେ ଅଧୀର 

ଦୁଃଖରେ କାତର 

       ଦେଖି ହୁଏନାହିଁ ତୋ ଠାରେ, 

ବିରହ ବେଦନା 

ତାହା ଠାରୁ ବଳି 

      ଶାନ୍ତି ପାଉ ସଦା ପ୍ରେମରେ

ମାନ ଅଭିମାନ 

ବିରହ ବା ପ୍ରେମ 

      ଏକ ନଈର ତୁ ଦି' ଧାର, 

ସ୍ନେହ କି ମମତା 

ସବୁ ହିଁ ତୋ ଠାରେ 

       ତେଣୁ 'ସମ୍ପର୍କ ' ନାଁ ତୋର