ମୁଁ ସାବିତ୍ରୀ

( ମୁଁ ସାବିତ୍ରୀ)

    ମୁଁ ଆଧୁନିକା

   ହେଲେ ଭୁଲିନି ପରମ୍ପରା 

   ସଞ୍ଜ ସଳିତା

      ଅବା ସଅଳ ଉଠା ।

     ମୁଁ ଶିକ୍ଷିତା

    ହେଲେ ଭୁଲିନି ବ୍ରତଓଷା

    ଲିପା ପୋଛା

    ଅବା ସେବା ଶୁଶ୍ରୂଷା ।

   ମୁଁ କର୍ମଜୀବୀ

   ଅବା ସୁଗୃହିଣୀ 

   ଭୁଲିନି କେବେ 

    ମୁଣ୍ଡେ ହାତେ ଓଢଣୀ ।

    ମୁଁ କଳାକାର

    ସଂସାର ମଞ୍ଚରେ

    ହଜିନି କେବେ 

    ଅପସଂସ୍କୃତିର ପଞ୍ଝାରେ ।

    ମୁଁ ସଳିତା

    ସ୍ନେହଶ୍ରଦ୍ଧା ଚଉରାରେ

   ଜଳିଛି ପୁଣି

    ଅନ୍ୟାୟ ,ଉପେକ୍ଷା ବିରୁଦ୍ଧରେ।

    ମୁଁ ସାବିତ୍ରୀ

    ବିଶ୍ବାସର ଆଲିଙ୍ଗନେ 

    ବଞ୍ଚିଛି ସଦା

    ସତ୍ଯବାନର ପ୍ରେମ ସମର୍ପଣେ

    ସାଥୀ ହେଉଥିବି ଜନମେ ଜନମେ 

    ଶୁଭ ମନାସେ ବିଭୁ ଚରଣେ ।