ଏଲିଅନ୍

ଅନେକ ତ କଥା ଶୁଣିବାକୁ ମିଳେ

ଜୀବ ସିଏ ଏଲିଅନ୍,

ପୃଥିବୀ ପୃଷ୍ଠକୁ ଆସିବାର ଅଛି

ଖବର ଯେ ପ୍ରତିଦିନ ।

କିଏ ଦାବି କରେ ଦେଖିଛନ୍ତି ତାକୁ

ଭ୍ରମ ବୋଲି ମନେ ହୁଏ,

ପ୍ରମାଣ ମିଳେନି ବୈଜ୍ଞାନିକ ମାନେ

ବଡ ପ୍ରଶ୍ନ ପରା ଇଏ ।

ଅନୁସନ୍ଧାନ ତ କରି ଚାଲିଛନ୍ତି

ବର୍ଷ ବର୍ଷ ବୈଜ୍ଞାନିକ,

ଇଉଏଫ୍ଓ ବୋଲି ଦାବି କରାଯାଏ,

ଭିଡିଓ ଆସେ ଅନେକ ।

ଏକ ସମୟରେ କେହି ଏବେ କହେ

ଆସିବେ ପୃଥିବୀ ପୃଷ୍ଠ ,

ଏଲିଅନ୍ ମଧ୍ୟ ଅଛନ୍ତି କେଉଁଠି,

ଶୁଣିଲେ ଲାଗେ ଅତିଷ୍ଠ ।

ଆସନ୍ତା ପଚିଶ ବରଷ ମଧ୍ୟରେ

ନୂଆ ଟେକ୍ନୋଲୋଜି ଦ୍ବାରା,

ଯୋଗାଯୋଗ ସଫଳତା ଲାଗି

ଥିବେ ଏଲିଅନ୍ ପରା ।

ଭିଡିଓ କିଛି ଟା ହେଲା ଭାଇରାଲ 

ପାଞ୍ଚ ମାସ ପୂର୍ବେ ଜାଣ

ଚୀନ ଆକାଶରେ ଇଉଏଫ୍ଓ ଟିଏ ବୋଲି

ଉଡୁଥିଲା ଏକ ଯାନ ।

ଅନୁସନ୍ଧିତ୍ସୁ ଏମନ ବ୍ରହ୍ମାଣ୍ଡ ରହସ୍ୟ

ଜାଣିବାକୁ ଏସନ୍ଧାନ,

ତିଆରି ହୁଏ ଯେ ଟେଲିସ୍କୋପ ନୂଆ

ଖୋଜିବାକୁ ଏଲିଅନ୍ ।

କିଛି ମତ ଅଛି ଏଲିଅନ୍ କାଳେ,

ଦେଖୁଛନ୍ତି ନିୟମିତ,

ତଥାପି ପ୍ରମାଣ, ସଠିକ ମିଳୁନି

କିଏ ଜାଣେ ମିଛ ସତ ।