ପିଲାଙ୍କ ପ୍ରଶ୍ନ

ପିଲାଙ୍କ ପ୍ରଶ୍ନକୁ ଏଡାଇ ହୁଏନି

ବିଚକ୍ଷଣ ବୁଦ୍ଧିରେ ସେସବୁକୁ 

ଉତ୍ତର ଦେବାକୁ ହୁଏ,

କେବେ ସତକହି ଅବା ମିଛକହି,

ପିଲାଦିନ ଅସରନ୍ତି ଗପର ପେଡିରୁ ,

ସାତତାଳ ପଙ୍କ ପୁଣିଫରୁଆ ଗପରୁ

ଅନେକ ଅସରନ୍ତି ପ୍ରଶ୍ନ,

ବୁଢୀ ଅସୁରୁଣୀ ସୁରକ୍ଷିତ ,

ଏକଥା ଯେ ବୁଝିହୁଏନି ।

ପ୍ରଶ୍ନ ସେତେବେଳେ ,

ଆଉ ବଡ ହେଇଯିବାପରେ

ଗପର ବିଷୟବସ୍ତୁ ବଦଳିଯାଏ ,

ଯାଦୁକର ଭେଳିକି ଦେଖି

ବିବଶ ହୋଇଯାଏ 

ପିଲାମନ ,ଅନେକ ପ୍ରଶ୍ନ ଆସେ ମନରେ

ପାରା ରଙ୍ଗ ବଦଳେ କେମିତି ,ଧଳାପାରା ଝିଅ ହେବା ବାକ୍ସ ଭିତରୁ ବନ୍ଦ ହେବା ଲୋକ ଫେରେ କେମିତି ?

ଦିନ ଯାଏ ,ଅନେକ ପ୍ରଶ୍ନ ,ପ୍ରଶ୍ନ ହୋଇରୁହେ,

ଦିନ ରାତି ଅବୁଝା ଲାଗେ ,

ପିଲାଙ୍କୁ ସମୟ ଦରକାର ପଡେ

ପ୍ରଶ୍ନ ବି ବଦଳିଯାଏ ।

ଡିଜିଟାଲ ଯୁଗର ପିଲା

ପ୍ରଶ୍ନ ବି ମନକୁ ମନ ଅସୀମ ହୋଇଯାଏ

ପିଲାଦିନେ ପ୍ରଶ୍ନ ପଚାରୁଥିବା ପିଲାଟି ପାଖରେ

ଉତ୍ତର ଦେବା ଲୋକଟି ପ୍ରଶ୍ନ ହୋଇଯାଏ ,

କେବେ କେମିତି ,ଖୋଜାପଡେ 

ଜରାଶ୍ରମ ରେ 

ଅବାପୁରୁଣା ଗାଁର ଅଫିଟା କବାଟ ପାଖରେ ,

ପ୍ରଶ୍ନ ସେତେବେଳେ ଆସେ ଫୋନ୍ କଲେ

ବ୍ୟସ୍ତ ଅଛି ଫୋନ୍ ରେ ଶୁଣି 

କାହିଁକି ଫୋନ୍ କଲ ନାହିଁ ବାବା ଆଉ ମାଆ ??